98-வது பிறந்தநாள் கொண்டாட்டம் - கருணாநிதி நினைவிடத்தில் முதல்வர், அமைச்சர்கள் மரியாதை : ஊரடங்கால் பாதிக்கப்பட்ட ஏழை, எளிய மக்களுக்கு திமுக தொண்டர்கள் உதவி

மறைந்த முன்னாள் முதல்வர் கருணாநிதியின் 98-வது பிறந்தநாளை முன்னிட்டு அவருக்கு முதல்வர் மு.க. ஸ்டாலின் மற்றும்அமைச்சர்கள் மரியாதை செலுத்தினர்.

தமிழக முதல்வராக 19 ஆண்டுகளும், திமுக தலைவராக 50 ஆண்டுகளும் இருந்த, மறைந்த கருணாநிதியின் 98-வது பிறந்தநாள் தமிழகம் முழுவதும் நேற்று கொண்டாடப்பட்டது.

கரோனா ஊரடங்கு அமலில் இருப்பதால் கருணாநிதியின் பிறந்தநாளை மிக எளிமையாக, தங்கள்இல்லங்களிலேயே கொண்டாடுமாறு திமுகவினருக்கு அக்கட்சியின் தலைவரும், முதல்வருமான மு.க.ஸ்டாலின் வேண்டுகோள் விடுத்திருந்தார்.

அதன்படி திமுக நிர்வாகிகள், தொண்டர்கள் தங்கள் இல்லங்களில் கருணாநிதியின் உருவப்படத்தை மலர்களால் அலங்கரித்து பிறந்தநாளைக் கொண்டாடினார். ஊரடங்கால் பாதிக்கப்பட்ட ஏழைகளுக்கு அரிசி, மளிகைப் பொருட்கள், உணவு உள்ளிட்டவற்றையும் வழங்கினர்.

மெரினா கடற்கரை

பின்னர், கோடம்பாக்கத்தில் உள்ள முரசொலி நாளிதழ் அலுவலகம் சென்ற முதல்வர் ஸ்டாலின், அமைச்சர்கள் உள்ளிட்டோர், அங்குள்ள கருணாநிதியின் உருவச் சிலைக்கு மாலை அணிவித்து மரியாதை செலுத்தினர்.

அங்கிருந்து திமுக தலைமை அலுவலகமான அண்ணா அறிவாலயம் சென்ற முதல்வர் ஸ்டாலினும், அமைச்சர்களும் அங்குள்ள கருணாநிதியின் உருவச் சிலைக்கு மாலை அணிவித்து மரியாதை செலுத்தினர். இந்நிகழ்வில் திமுக அமைப்புச் செயலாளர் ஆர்.எஸ்.பாரதி, திமுக அலுவலக செயலாளர்பூச்சி முருகன், எம்எல்ஏக்கள், திமுக நிர்வாகிகள் உள்ளிட்டோர் பங்கேற்றனர்.

கோபாலபுரம் இல்லம்

கருணாநிதியின் பிறந்தநாளை முன்னிட்டு திராவிடர் கழகத் தலைவர் கி.வீரமணி, மக்கள் நீதி மய்யம்கட்சியின் தலைவர் கமல்ஹாசன்உள்ளிட்டோர் முன்னாள் முதல்வர் கருணாநிதியின் சாதனைகளை யும், அவருடனான தங்களின் அனுபவங்களையும் நினைவு கூர்ந்துள்ளனர்.