செல்போன் திருடியவர்களுக்கு போலீஸ் வலைவீச்சு :

கே.கே.நகர், முதலாவது செக்டாரைச் சேர்ந்தவர் சரண்யா (34). இவரது மாமனார் மாரடைப்பு காரணமாக கடந்த 25-ம் தேதி இரவு மரணமடைந்தார்.

மறுநாள் அவரது இறுதிச் சடங்கு நடைபெற்றது. ஈமச்சடங்குகளை முடித்து உறவினர்கள் வீடு திரும்பியபோது வீட்டில் இருந்த விலை உயர்ந்த 5 செல்போன்கள் திருடப்பட்டிருப்பதைகண்டு அதிர்ச்சி அடைந்தார்.

கே.கே நகர் காவல் நிலையத்தில் சரண்யா புகார் தெரிவித்தார். அதன்படி, குற்றப்பிரிவு போலீஸார் வழக்குப் பதிந்து விசாரணையைத் தொடங்கியுள்ளனர். தலைமறைவாக உள்ள கொள்ளையர்களை போலீஸார் தேடி வருகின்றனர்.