கோவில்பட்டி கோயில் பங்குனித் திருவிழா : நடராஜர் பச்சை சார்த்தி எழுந்தருளல் :

கோவில்பட்டி: கோவில்பட்டி செண்பகவல்லி அம்மன் கோயில் பங்குனி திருவிழாவில், நேற்று முன்தினம் இரவு 7 மணிக்கு நடராஜர் சிவப்பு சார்த்தி சப்பரத்தில் எழுந்தருளினார். இரவு 11 மணிக்கு வெள்ளை சார்த்தி எழுந்தருளினார். நேற்று அதிகாலை பச்சை சார்த்தி எழுந்தருள, ஏராளமான பக்தர்கள் தரிசனம் செய்தனர். மாலை 4 மணிக்கு பிச்சாடநர் சப்பரத்தில் வீதி உலாவும், சந்திரசேகரர் பரிவேட்டைக்கு குதிரை வாகனத்தில் புறப்படுதல் ஆகிய நிகழ்ச்சிகள் நடைபெற்றன.

கரோனா பரவல் காரணமாக இன்று (13-ம் தேதி) தேரோட்டம் ரத்து செய்யப்பட்டுள்ளது. ஆனால், காலை, மாலை சுவாமி, அம்பாள் புறப்பாடு நடைபெறுகிறது. நாளை (14-ம் தேதி) கோயில் வளாகத்தில் தீர்த்தவாரி நடக்கிறது. ஏற்பாடுகளை கோயில் உதவி ஆணையர் த.சு.ரோஜாலி சுமதா, செயல் அலுவலர் (பொறுப்பு) த.சிவகலைப்பிரியா மற்றும் பணியாளர்கள், மண்டகப்படிதாரர்கள் செய்து வருகின்றனர்.