முகக்கவசம் : அணியாததால் : 1,118 பேர் மீது வழக்கு :

கரோனா வைரஸ் தொற்று பரவலை தடுக்கும் வகையில் முகக்கவசம் அணிவது, சமூக இடைவெளியைப் பின்பற்றுவது கட்டாயமாக்கப்பட்டுள்ளது. தடையை மீறுபவர்கள் மீது போலீஸார் வழக்குப் பதிவு செய்து வருகின்றனர். மேலும் அபராதமும் வசூலிக்கப்படுகிறது.

அதன்படி, கடந்த 8-ம் தேதியிலிருந்து நேற்று முன்தினம் வரை 3 நாட்களில் சென்னையில் 1,118 பேர் மீது வழக்குகள் பதிவு செய்யப்பட்டுள்ளன.

இதுதொடர்பாக ரூ.2 லட்சத்து 12,400 அபராதம் வசூலிக்கப்பட்டுள்ளது. இதேபோல் தனிமனித இடைவெளியைப் பின்பற்றாதவர்கள் மீதும் போலீஸார் வழக்குப் பதிவு செய்துள்ளனர்.