ஆன்லைனில் தேன் விற்பனை - தேனீ வாரியத்துடன் இந்தியன் வங்கி ஒப்பந்தம் :

தேன் மற்றும் தேன் பொருட்களை ஆன்லைன் மூலம் பெறுவதற்காக, தேசிய தேனீ வாரியத்துடன் இந்தியன் வங்கி ஒப்பந்தம் செய்துள்ளது.

தேன் மற்றும் தேன் பொருட்களை இந்தியன் வங்கி, தங்களது வாடிக்கையாளர்கள் மற்றும் பொதுமக்கள் இணையதளம் மூலம் பெறுவதற்கான புதிய வசதியை ஏற்படுத்தி உள்ளது. இதற்காக, தேசிய தேனீ வாரியத்துடன் புரிந்துணர்வு ஒப்பந்தம் செய்துள்ளது.

‘மது கிரந்தி’

இந்த இணையதளம் மூலம், தேன் மற்றும் தேன் பொருட்களை பெறுவதோடு, அவை எங்கெல்லாம் கிடைக்கும் என்ற விவரத்தையும் தெரிந்து கொள்ளலாம். இந்த தேன் பொருட்கள் தரக் கட்டுப்பாடுடன், சிறந்த முறையில் ‘பேக்கிங்’ செய்து சந்தைப்படுத்தும் பணியை தேசிய விவசாய கூட்டுறவு சந்தைக் கூட்டமைப்பு மேற்கொள்ளும் என இந்தியன் வங்கி வெளியிட்ட செய்திக் குறிப்பில் தெரிவிக்கப்பட்டுள்ளது.