பறக்கும்படை சோதனையில் ரூ.4.17 கோடி பறிமுதல் :

கன்னியாகுமரி மாவட்டத்தில் மக்களவை இடைத்தேர்தல் மற்றும் 6 சட்டப்பேரவை தொகுதிக்கான பொதுத்தேர்தல் நடந்து முடிந்துள்ளது.

இதையொட்டி கடந்த மாதம் 28-ம் தேதி முதல்பறக்கும்படை குழு, நிலையானகண்காணிப்பு குழு அலுவலர்களால் வாகன சோதனை நடத்தப்பட்டு, உரிய ஆவணங்கள் இன்றி கொண்டு சென்ற பணம் மற்றும் பொருட்கள் பறிமுதல் செய்யப்பட்டன.

மொத்தம் 4 கோடியே 17 லட்சத்து 40 ஆயிரத்து 189 ரூபாய்உரிய ஆவணமின்றி கொண்டு சென்றதாக பறிமுதல் செய்யப்பட்டது.

இவற்றில் அதிகபட்சமாக நாகர்கோவில் சட்டப்பேரவை தொகுதியில் மட்டும் 1 கோடியே 76 லட்சத்து 11 ஆயிரத்து 778 ரூபாய் கைப்பற்றப்பட்டது. கன்னியாகுமரி தொகுதியில் ரூ.26,13,045, குளச்சல் தொகுதியில் ரூ.76,90,395, பத்மநாபபுரம் தொகுதியில் ரூ.39,12,265, விளவங்கோடு தொகுதியில் ரூ.50,66,214, கிள்ளியூர் தொகுதியில் ரூ.48,46,492 பறிமுதல் செய்யப்பட்டது.