கன்னியாகுமரி மாவட்டத்தில் - காலை முதலே மக்கள் ஆர்வம் : கடும் வெயிலுக்கு மத்தியில் வரிசையில் நின்று வாக்களிப்பு

கன்னியாகுமரி மாவட்டத்தில் சுட்டெரித்த வெயிலுக்கு மத்தியில் மக்கள் வரிசையில் நின்று ஆர்வத்துடன் வாக்களித்தனர்.

கன்னியாகுமரி மாவட்டத்தில் மக்களவை இடைத்தேர்தல் மற்றும் கன்னியாகுமரி, நாகர்கோவில், குளச்சல், பத்மநாபபுரம், விளவங்கோடு, கிள்ளியூர் ஆகிய 6 சட்டப்பேரவை தொகுதிகளுக்கான பொதுத்தேர்தல் நேற்று நடைபெற்றது. மாவட்டம் முழுவதும் அமைக்கப்பட்டிருந்த 2,234 வாக்குச்சாவடிகளிலும் அதிகாலையில் இருந்தே மக்கள் ஆர்வத்துடன் வாக்களித்தனர்.

நாகர்கோவில், கன்னியாகுமரி, குளச்சல், பத்மநாபபுரம் பகுதிகளில் 30-க்கும் மேற்பட்ட மையங்களில் மின்னணு இயந்திரங்களில் கோளாறு ஏற்பட்டதால், அவை சரிபார்க்கப்பட்டு அரை மணி நேரம்தாமதமாக வாக்குப்பதிவு தொடங்கியது.

பிரதான வேட்பாளர்கள்

நாகர்கோவில் தொகுதியில் திமுக சார்பில் சுரேஷ்ராஜன், பாஜகசார்பில் எம்.ஆர்.காந்தி, கன்னியாகுமரி தொகுதியில் திமுக சார்பில் ஆஸ்டின், அதிமுக சார்பில் தளவாய் சுந்தரம், குளச்சல் தொகுதியில் காங்கிரஸ் சார்பில் பிரின்ஸ், பாஜக சார்பில் குமரி ரமேஷ், பத்மநாபபுரம் தொகுதியில் திமுக சார்பில் மனோ தங்கராஜ், அதிமுக சார்பில் ஜாண் தங்கம், விளவங்கோடு தொகுதியில் காங்கிரஸ் சார்பில் விஜயதரணி, பாஜக சார்பில் ஜெயசீலன், கிள்ளியூர் தொகுதியில் காங்கிரஸ் சார்பில் ராஜேஷ்குமார், தமாகா சார்பில் ஜூட்தேவ் என பிரதான கட்சி வேட்பாளர்கள் இடையே கடும் போட்டி நிலவியது.

வாக்கு சதவீதம்

ஆட்சியர், எஸ்பி வாக்களிப்பு