திருப்பரங்குன்றம் கோயில் பங்குனி திருவிழா கிரிவலப் பாதையில் இன்று தேரோட்டம் :

திருப்பரங்குன்றம் சுப்பிரமணிய சுவாமி கோயில் பங்குனி திருவிழா கடந்த 18-ம் தேதி கொடியேற்றத்துடன் தொடங்கியது. நேற்று காலை மதுரையிலிருந்து மீனாட்சி அம்மன், பிரியாவிடையுடன் சுந்தரேசுவரர் புறப்பாடாகி மூலக்கரை சந்திப்பு மண்டபத்தில் எழுந்தருளினர். அங்கு சுப்பிரமணிய சுவாமி-தெய்வானை திருக்கல்யாணம் நடைபெற்றது. இதில் ஏராளமான பக்தர்கள் பங்கேற்று தரிசனம் செய்தனர்.

நேற்று மாலை மீனாட்சிஅம்மன், பிரியாவிடை சுந்தரேசுவரருக்கு வழியனுப்பும் நிகழ்ச்சி நடைபெற்றது. பின்னர் சுப்பிரமணிய சுவாமி, தெய்வானை வீதியுலா நடந்தது. தொடர்ந்து இன்று கிரிவலப் பாதையில் தேரோட்டம் நடைபெறுகிறது.