உள் மாவட்டங்களில் வெப்பம் உயரும் :

திருச்சி, கரூர், நாமக்கல், சேலம், ஈரோடு, திருப்பூர் மாவட்டங்களில் ஓரிரு இடங்களில் அடுத்த 2 நாட்களுக்கு அதிகபட்ச வெப்பநிலை வழக்கத்தைவிட 5 டிகிரி வரை உயரக் கூடும் என்று சென்னை வானிலை ஆய்வு மைய இயக்குநர் நா.புவியரசன் தெரிவித்தார்.

அவர் மேலும் கூறும்போது, ‘‘குமரிக்கடல், மாலத்தீவு முதல் வட கடலோர கேரளா வரை வளிமண்டல சுழற்சி நிலவுகிறது. இதன் காரணமாக 9-ம் தேதி (இன்று) கன்னியாகுமரி, நெல்லை, தூத்துக்குடி மாவட்டங்களில் ஓரிரு இடங்களில் லேசானது முதல் மிதமான மழையும், இதர தென் மாவட் டங்களில் லேசான மழையும் பெய்யக் கூடும்’’ என்றார்.