தென் மாவட்டங்களில் 3 நாட்களுக்குமழை பெய்ய வாய்ப்பு :

சென்னை வானிலை ஆய்வுமைய இயக்குநர் பா.கீதா செய்தியாளர்களிடம் கூறியதாவது:

கேரளாவை ஒட்டி வளிமண்டல மேலடுக்கு சுழற்சி நிலவுகிறது. அதன் தாக்கத்தால் 7, 8, 9 தேதிகளில் தமிழக தென்மாவட்டங்களில் ஓரிரு இடங்களில் லேசான மழை பெய்யக் கூடும். மற்ற மாவட்டங்களில் பெரும்பாலும் வறண்ட வானிலைநிலவும். சென்னை மற்றும் புறநகர் பகுதிகளில் அடுத்த 48 மணி நேரத்துக்கு வானம் தெளிவாக காணப்படும். மழைக்கு வாய்ப்பு இல்லை.

5-ம் தேதி காலை 8.30 மணியுடன் நிறைவடைந்த 24 மணி நேரத்தில் கரூர் பரமத்தி, பாளையங்கோட்டையில் 96 டிகிரி, சேலம், நாமக்கல், மதுரையில் 95 டிகிரி ஃபாரன்ஹீட் வெயில் பதிவாகியுள்ளது.