தேசிய அறிவியல் தின கொண்டாட்டம்

கோவில்பட்டி: கோவில்பட்டி கோ.வெங்கடசுவாமி நாயுடு கல்லூரியில் தேசிய அறிவியல் தினம் கொண்டாட்டப்பட்டது.

கல்லூரி முதல்வர் சாந்தி மகேஸ்வரி தலைமை வகித்தார். சுய நிதி பாடப்பிரிவுகளின் இயக்குநர் வெங்கடாசலபதி முன்னிலை வகித்தார். துறைகளுக்கு இடையேயான விநாடி-வினா மற்றும் குறும்பட போட்டிகள் நடைபெற்றன. குறும்படப் போட்டியில் வணிக நிர்வாகவியல் துறை மாணவர்கள் முதல் பரிசும், வணிகவியல் தொழில் முறை கணக்கியல் துறை மாணவர்கள் 2-ம் பரிசும், கணினி அறிவியல் துறை மாணவர்கள் 3-ம் பரிசும் பெற்றனர்.

விநாடி-வினா போட்டியில் முதல் பரிசை கணினி அறிவியல் துறை மாணவர்கள் ராஜா, விஜய அரவிந்தன் ஆகியோர் பெற்றனர். 2, 3-ம் பரிசுகளை புள்ளியியல் துறை மாணவர்கள் அஸ்வத், நாராயணன், அஸ்வினி மற்றும் ரம்யா ஆகியோர் பெற்றனர். வெற்றி பெற்ற மாணவ மாணவிகளுக்கு கல்லூரி முதல்வர் மற்றும் இயக்குநர் பரிசுகளை வழங்கினர்.