ரம்ஜான் நாளில் சி.பி.எஸ்.இ. தேர்வுகள்? தேதியை மாற்ற மதுரை எம்.பி. வலியுறுத்தல்

மத்திய கல்வித்துறை அமைச்சர் ரமேஷ் பொக்ரியால், சி.பி.எஸ்.இ. இயக்குநர் ஆகியோருக்கு சு.வெங்கடேசன் எம்.பி. கடிதம் எழுதியுள்ளார். அதில் கூறியிருப்பதாவது:

ரம்ஜான் இஸ்லாமியர்களின் முக்கிய திருநாள். இவ்வாண்டு மத்திய, மாநில அரசுகள் மே 14-ம் தேதி ரம்ஜான் விடுமுறை அறிவித்துள்ளன. ஆனால் பிறை தென்படுவதைப் பொறுத்து ரம்ஜான் தேதி ஒரு நாள் முன்னதாகவோ, பின்னதாகவோ மாறக்கூடிய வாய்ப்புள்ளது. இதை கணக்கில் கொள்ளாமல் சிபிஎஸ்இ 10, 12-ம் வகுப்புத் தேர்வுகளை மே 13, 15 தேதிகளில் அறிவித்துள்ளது.

ரம்ஜான் தேதி மாறும் பட்சத்தில் இஸ்லாமிய மாணவர்கள் சிரமத்துக்குள்ளாவார்கள். எனவே தேர்வு தேதிகளை இப்போதே மாற்றுமாறு கேட்டுக்கொள்கிறேன் எனக் குறிப்பிட்டுள்ளார்.