Published : 29 Jan 2021 03:14 am

Updated : 29 Jan 2021 03:14 am

 

Published : 29 Jan 2021 03:14 AM
Last Updated : 29 Jan 2021 03:14 AM

குறிப்பிட்ட சமுதாயத்துக்கு தனி இடஒதுக்கீடு வழங்க கருணாஸ் எம்.எல்.ஏ. எதிர்ப்பு

விருதுநகர்: விருதுநகரில் செய்தியாளர்களிடம் கருணாஸ் எம்எல்ஏ கூறியதாவது: முன்னாள் முதல்வர் ஜெயலலிதா பிறந்த நாளை அரசு விழாவாக அறிவித்தது மகிழ்ச்சியான செய்தி. அமமுக பொதுச் செயலாளர் சசிகலா வீடு திரும்பியதும் மரியாதை நிமித்தமாக அவரை சந்தித்து உடல்நலம் விசாரிப்போம். தற்போது வரை நாங்கள் அதிமுக கூட்டணியில் உள்ளோம். முதல்வர் பழனிசாமி அழைத்துப் பேசினால் தான் கூட்டணி முடிவாகும்.

சாதிவாரி கணக்கெடுப்பு நடத்தப்பட்டால் அதிகமாக இருக்கக் கூடிய முக்குலத்தோர் சமுதாயத்துக்கு 25 சதவீத இட ஒதுக்கீடு வழங்க வேண்டும் என்ற கோரிக்கையை வலியுறுத்துவோம். அரசியல் சுய நலத்துக்காக எந்த ஒரு சமுதாயத்துக்காவது தனியாக இந்த அரசு ஏதாவது அறிவிக்குமேயானால் ஒட்டுமொத்த பிற்படுத்தப்பட்டோர் சமுதாயமும், நான் சார்ந்த முக்குலத்தோர் சமுதாயமும் இணைந்து தமிழகம் காணாத ஒரு போராட்டத்தைக் காண நேரிடும். இவ்வாறு அவர் கூறினார்.




Sign up to receive our newsletter in your inbox every day!

More From This Category

More From this Author

x