சிவகாசியில் சாலைகளை சீரமைக்க மார்க்சிஸ்ட் கையெழுத்து இயக்கம்

சிவகாசியில் பழுதடைந்துள்ள சாலைகளை சீரமைக்கக் கோரி மார்க்சிஸ்ட் கம்யூனிஸ்ட் கட்சி சார்பில் கையெழுத்து இயக்கம் நடைபெற்றது. சிவகாசி ரயில்வே பீடர் சாலையில் நடைபெற்ற இக்கையெழுத்து இயக்கத்தில் 513 பேர் கையெழுத்திட்டனர். கையெழுத்திடப்பட்ட கோரிக்கை மனு மாவட்ட ஆட்சியர், சார்-ஆட்சியர், நகராட்சி ஆணையாளர் ஆகியோருக்கு தபால் மூலம் அனுப்பி வைக்கப்பட்டது. இந்நிகழ்ச்சியில் சிஐடியூ நிர்வாகிகள் பி.என்.தேவா, கே.முருகன், மார்க்சிஸ்ட் நிர்வாகிகள் கே.சண்முகம், ரா.சுரேஷ்குமார், டி.சந்திரராஜன் உட்பட பலர் கலந்து கொண்டனர்.