குடியரசுத் தலைவர் ஆட்சியை புதுச்சேரியில் அமல்படுத்த கோரிக்கை

காரைக்கால்: காரை சிறகுகள் இயக்கத்தின் நிறுவனரும், பொதுச் செயலாளருமான வெங்கடேஷ் அனந்தகிருஷ்ணன், குடியரசுத் தலைவருக்கு அனுப்பியுள்ள மனுவில் கூறியிருப்பது:

புதுச்சேரியில் முதல்வர், துணை நிலை ஆளுநர் இடையே நிலவும் அரசியல் ரீதியான முரண்பாடுகளால், வேலைவாய்ப்பு, கல்வி, சுகாதாரம் உள்ளிட்ட அரசின் அனைத்துத் துறைகளின் பணிகளும் பாதிக்கப்பட்டுள்ளன. இதனால், கடந்த 5 ஆண்டுகளாக மாநிலத்தில் எவ்வித வளர்ச்சியும் ஏற்படவில்லை. எனவே, ஜனநாயகத்தை பாதுகாக்கும் வகையில் புதுச்சேரி மாநில துணைநிலை ஆளுநரை மாற்றம் செய்துவிட்டு, குடியரசுத் தலைவர் ஆட்சியை அமல்படுத்த வேண்டும் என தெரிவிக்கப்பட்டுள்ளது.