மதுரை தேஜஸ் ரயில் ஜன.10 முதல் மீண்டும் இயக்கம்

பொங்கல் பண்டிகையை முன்னிட்டு, சென்னை - மதுரை இடையேயான தேஜஸ் சொகுசு ரயில் வரும் 10-ம் தேதி முதல் மீண்டும் இயக்கப்பட உள்ளது.

கரோனா அச்சம் காரணமாக பயணிகளின் எண்ணிக்கை குறைந்ததால் தேஜஸ் ரயில்களின் சேவைகள் நிறுத்தி வைக்கப்பட்டன. இதற்கிடைய, பொங்கல் நெருங்கவுள்ளதால், சென்னை எழும்பூர் - மதுரை இடையே இயக்கப்படும் தேஜஸ் சிறப்பு ரயில்கள் (02613/02614) வரும் 10-ம் தேதி முதல் மீண்டும் இயக்கப்படவுள்ளன. அதன்படி, சென்னை எழும்பூரில் இருந்து காலை 6 மணிக்கு புறப்பட்டு அதேநாளில் மதியம் 12.15 மணிக்கு மதுரை செல்லும். மறுமார்க்கமாகமதுரையில் இருந்து மாலை 3 மணிக்கு புறப்பட்டு அதேநாளில் இரவு 9.15 மணிக்கு சென்னை எழும்பூருக்கு வரும். திருச்சி, கொடைக்கானல் ரோடு நிலையங்களில் நின்று செல்லும் என தெற்கு ரயில்வே அறிவித்துள்ளது.