தலைமை நீதிபதி சஞ்ஜிப் பானர்ஜிஜன.4-ல் பதவியேற்பு

சென்னை உயர் நீதிமன்ற தலைமை நீதிபதியாக பதவியேற்க உள்ள சஞ்ஜிப் பானர்ஜிக்கு 4-ம் தேதி ஆளுநர் பதவிப் பிரமாணம் செய்துவைக்கிறார்.

சென்னை உயர் நீதிமன்ற தலைமை நீதிபதியாக பதவி வகித்த ஏ.பி.சாஹி கடந்த டிச.31-ம்தேதியுடன் ஓய்வு பெற்றார். இதையடுத்து, கொல்கத்தா உயர் நீதிமன்ற மூத்த நீதிபதியான சஞ்ஜிப் பானர்ஜியை சென்னை உயர் நீதிமன்ற தலைமை நீதிபதியாக நியமித்து குடியரசுத் தலைவர் உத்தரவிட்டுள்ளார்.

சென்னை உயர் நீதிமன்றத்தின் 50-வது தலைமை நீதிபதியாக பதவியேற்கும் சஞ்ஜிப் பானர்ஜிக்கு 4-ம் தேதி காலை ராஜ்பவனில் நடைபெறும் விழாவில் ஆளுநர் பன்வாரிலால் புரோஹித் பதவிப் பிரமாணம் செய்து வைக்கிறார். இதில் முதல்வர், துணை முதல்வர், அமைச்சர்கள், நீதிபதிகள், அரசு தலைமை வழக்கறிஞர், உள்ளிட்டோர் பங்கேற்கின்றனர்.