Published : 26 Dec 2020 03:14 AM
Last Updated : 26 Dec 2020 03:14 AM
முன்னாள் பிரதமர் வாஜ்பாய், மத்திய பிரதேச மாநிலம் குவாலியரில் கடந்த 1924-ம் ஆண்டு டிசம்பர் 25-ம் தேதி பிறந்தவர். கடந்த 1996, 1998-99 மற்றும் 1999 - 2004 என 3 முறை பிரதமர் பதவி வகித்தார் வாஜ்பாய். கடந்த 2018-ம் ஆண்டு ஆகஸ்ட் மாதம் 16-ம் தேதி காலமானார்.
வாஜ்பாய் பிறந்த தினமான டிசம்பர் 25-ம் தேதி அவரை கவுரவிக்கும் வகையில், பாஜக சார்பில் ‘சிறந்த நிர்வாக தினம்’ கொண்டாடப்படுகிறது. அவருடைய 96-வது பிறந்த நாளை முன்னிட்டு, டெல்லியில் உள்ள அவரது நினைவிடத்தில் பிரதமர் மோடி மலர் தூவி மரியாதை செலுத்தினார்.
பின்னர் மோடி தனது ட்விட்டர் பக்கத்தில் வெளியிட்ட பதிவில், ‘‘முன்னாள் பிரதமர் வாஜ்பாய்க்கு தலைவணங்கி மரியாதை செலுத்துகிறேன். இந்தியாவின் வளர்ச்சியை மிக உயரத்துக்குக் கொண்டு சென்றவர் வாஜ்பாய். அவருடைய சிறந்த பணிகள் என்றும் நினைவுகூரப்படும்’’ என்று தெரிவித்துள்ளார்.
கிறிஸ்துமஸ் வாழ்த்து
Sign up to receive our newsletter in your inbox every day!
WRITE A COMMENT