ஒருங்கிணைந்த வேலூர் மாவட்டத்தில் புதிதாக 65 பேருக்கு கரோனா தொற்று

வேலூர்: ஒருங்கிணைந்த வேலூர் மாவட்டத்தில் 65 பேருக்கு கரோனா தொற்று உறுதியானது.

வேலூர் மாவட்டத்தில் புதிதாக 36 பேருக்கு கரோனா தொற்று நேற்று உறுதியானதால் மொத்த பாதிப்பு எண்ணிக்கை 18 ஆயிரத்து 957- ஆக அதிகரித்துள்ளது. ராணிப்பேட்டை மாவட்டத்தில் புதிதாக 15 பேருக்கு தொற்று உறுதியானதால் மொத்த பாதிப்பு எண்ணிக்கை 15 ஆயிரத்து 100-ஆக அதிகரித்துள்ளது. அதேபோல், திருப்பத்தூர் மாவட்டத்தில் புதிதாக 14 பேருக்கு கரோனா தொற்று உறுதியானதால் மொத்த பாதிப்பு எண்ணிக்கை 7,143-ஆக அதிகரித்துள்ளது.

திருவண்ணாமலை

திருவண்ணாமலை மாவட்டத்தில் கரோனா தொற்றுக்கு மேலும் 37 பேர் பாதிக்கப்பட்டுள்ளதாக நேற்று வெளியிடப்பட்ட பட்டியலில் தெரிவிக்கப்பட்டுள்ளது. இதனால், மாவட்டத்தில் பாதிக்கப்பட்டவர்கள் எண்ணிக்கை 18,449-ஆக உயர்ந்துள்ளது. கரோனா தொற்றில் இருந்து, இதுவரை 17,968 பேர் குணமடைந்து வீடு திரும்பியுள்ளனர். 210 பேர் சிகிச்சை பெற்று வருகின்றனர். சிகிச்சை பலனின்றி 271 பேர் உயிரிழந்துள்ளனர்.