வில்லிபுத்தூர் அருகே தொடர் மழையால்தரைப்பாலங்கள் வெள்ளத்தில் மூழ்கின

வில்லிபுத்தூர், மம்சாபுரம், வன்னியம்பட்டி, கிருஷ்ணன் கோயில், மல்லி, வத்திராயிருப்பு, கூமாப்பட்டி, கான்சாபுரம் உள்ளிட்ட சுற்றுவட்டாரப் பகுதிகளில் கடந்த 3 தினங்களாக தொடர் மழை பெய்து வருகிறது.

இதனால் ஆறுகள், ஓடைகளில் நீர்வரத்து அதிகரித்துள்ளது. அணைகள் வேகமாக நிரம்பி வருகின்றன. இந்நிலையில் நேற்று இரவு முதல் விடிய விடிய பெய்த மழை காரணமாக வில்லிபுத்தூர் அருகே உள்ள கூமாப்பட்டி-பிளவக்கல் அணை செல்லும் சாலையில் பட்டுப்பூச்சி, ரகுமத் நகர் பகுதியில் உள்ள இரண்டு தரைப்பாலங்கள் வெள்ளத்தில் மூழ்கின. இதனால் வாகனங்கள் செல்ல முடியாமல் போக்குவரத்து தடைப்பட்டுள்ளது.