அரசு பள்ளி ஆசிரியர் வீட்டில் நகை திருட்டு

வேலூர் தொரப்பாடி எழில்நகர் திருவள்ளுவர் தெருவைச் சேர்ந்தவர் தாமோதரன் (52). அரசுப் பள்ளி ஆசிரியராக பணிபுரிந்து வருகிறார். தீபாவளி பண்டிகையையொட்டி கடந்த12-ம் தேதி குடும்பத்துடன் வெளியூர் சென்றவர், நேற்று முன்தினம் இரவு வீடு திரும்பினார். அப்போது, வீட்டின் பூட்டு உடைக்கப்பட்டிருப்பதைப் பார்த்து அதிர்ச்சியடைந்தார். உள்ளே சென்று பார்த்தபோது பீரோவை உடைத்து அதிலிருந்த 3 பவுன் தங்க நகைகள், 50 கிராம் வெள்ளி பொருட்களை மர்ம நபர்கள் திருடிச்சென்றது தெரியவந்தது.

இதுகுறித்த புகாரின்பேரில் பாகாயம் காவல் துறையினர் விசாரித்து வருகின்றனர்.