Published : 08 Nov 2020 03:11 AM
Last Updated : 08 Nov 2020 03:11 AM

முதல் மாற்றுப்பாலினத்தவர்

71 சதவீத வாக்குகளைப் பெற்று ஒக்லஹோமாவுக்குத் தேர்ந்தெடுக்கப்பட்டிருக்கும் மௌரி டர்னர், அமெரிக்கா வின் முதல் மாற்றுப்பாலின மாகாண சபை உறுப்பினர். 27 வயதாகும் இவர் தன்னை Non Binary என அடையாளப்படுத்துகிறார். அதாவது முழுமையான ஆணும் இல்லாமல் முழுமையான பெண்ணும் இல்லாத ‘பாலிலி நிலை’ என்று இதைச் சொல்கிறார்கள். இந்த மாகாணத்தில் வென்றிருக்கும் முதல் கறுப்பின இஸ்லாமியரும் இவர்தான். குடும்ப வன்முறை குறித்த சட்டம் ஒன்றைத் தான் வெறுப்பதாக ட்வீட் செய்திருக்கும் மௌரி டர்னர், “இதைப் போலவே நாம் நழுவவிட்டவை பல. அவை மீண்டும் நடக்காமல் இருக்க உறுதியுடன் போராடுவேன்” என்று சொல்லியிருக்கிறார். சிறு வயதில் தன் தாயுடன் நடந்த உரையாடலை நினைவுகூரும் இவர், “ஒருவேளை நான் வெள்ளை இனப் பெண்ணாக இருந்திருந்தால் இன்னும் சிறந்த நிலையை எட்டியிருக்க முடியும் என்று என் அம்மாவிடம் சொல்லியிருக்கிறேன். அதனால், பிற இனத்தவருக்கும் அடையாளம் கிடைக்கும்படியான சூழலை நிச்சயம் உருவாக்க வேண்டும்” என்று சொல்லியிருக்கிறார் மௌரி டர்னர்.

FOLLOW US

Sign up to receive our newsletter in your inbox every day!

WRITE A COMMENT
 
x