சென்னை: இந்திய ஸ்மார்ட்போன் சந்தையில் நத்திங் போன் 3a Lite ஸ்மார்ட்போன் அறிமுகமாகி உள்ளது. மீடியம் பட்ஜெட்டில் போன் வாங்க விரும்பும் வாடிக்கையாளர்களை கருத்தில் கொண்டு இந்த போனை நத்திங் அறிமுகம் செய்துள்ளது.
லண்டனை தலைமையிடமாகக் கொண்டு இயங்கி வருகிறது நத்திங் நிறுவனம். தொழில்நுட்ப சாதன உற்பத்தி நிறுவனமான நத்திங், ஹெட்செட் விற்பனை மூலம் சந்தையில் களம் கண்டது. தொடர்ந்து ஸ்மார்ட்போன் விற்பனையை 2022-ல் தொடங்கியது. இது ஸ்மார்ட்போன் ஆர்வலர்கள் மத்தியில் வரவேற்பை பெற்றது.
அந்நிறுவனத்தின் நிறுவனரும், சிஇஓ-வுமான கார்ல் பெய் (Carl Pei) தான் இந்த வரவேற்புக்கு காரணம். இவர் ஒன்பிளஸ் நிறுவனத்தின் இணை நிறுவனராக செயல்பட்டவர். பின்னர் கடந்த 2021-ல் நத்திங் நிறுவனத்தை தொடங்கினார். இந்நிலையில், தற்போது நத்திங் போன் 3a Lite ஸ்மார்ட்போன் சர்வதேச சந்தையில் அறிமுகமாகி உள்ளது. ஏற்கெனவே நத்திங் போன் 3 சீரிஸ் வரிசையில் போன் 3, போன் 3a மற்றும் போன் 3a புரோ மாடல்கள் அறிமுகமாகி உள்ளது குறிப்பிடத்தக்கது.
நத்திங் போன் 3a Lite: சிறப்பு அம்சங்கள் என்னென்ன?
6.77 இன்ச் AMOLED டிஸ்பிளே
மீடியாடெக் டிமான்சிட்டி 7300 புரோ சிப்செட்
ஆண்ட்ராய்டு 15 இயங்குதளம்
மூன்று இயங்குதள அப்டேட் மற்றும் ஆறு ஆண்டுகளுக்கு செக்யூரிட்டி அப்டேட் உறுதி செய்யப்பட்டுள்ளது
50 + 8 + 2 மெகாபிக்சல் என மூன்று கேமரா பின்பக்கம் இடம்பெற்றுள்ளது
16 மெகாபிக்சல் கொண்டுள்ளது முன்பக்க கேமரா
8ஜிபி ரேம்
128 / 256ஜிபி ஸ்டோரேஜ்
5,000mAh பேட்டரி
33 வாட்ஸ் சார்ஜிங் ஸ்பீடு
யுஎஸ்பி டைப்-சி போர்ட்
5ஜி நெட்வொர்க்
கருப்பு, வெள்ளை, நீலம் என மூன்று வண்ணங்களில் இந்த போன் வெளிவந்துள்ளது
இந்த போனின் விலை ரூ.20,999 முதல் தொடங்குகிறது
இதன் விற்பனை டிசம்பர் 5-ம் தேதி முதல் தொடங்குகிறது
