Published : 09 Dec 2016 11:52 am

Updated : 09 Dec 2016 12:30 pm

 

Published : 09 Dec 2016 11:52 AM
Last Updated : 09 Dec 2016 12:30 PM

ஆப்பிள் ரெட் ஐபோன் அடுத்த ஆண்டில் அறிமுகம்?

ஆப்பிள் நிறுவனத்தின் புகழ்பெற்ற தயாரிப்புகளில் ஒன்று ஐபோன். ஒவ்வொரு வருடமும் முந்தைய ஐபோனின் தொழில்நுட்பம் மேம்படுத்தப்பட்டு, அடுத்த வெளியீடு வருவது வழக்கம்.

அந்தவகையில், 2017-ம் ஆண்டுக்கான ஆப்பிள் நிறுவனத்தின் ஐபோன் 8 மாடல், சிவப்பு வண்ணத்திலும் ஐபோன் 7 மற்றும் ஐபோன் 7 பிளஸ் ஆகியவற்றின் வடிவமைப்பிலும் வெளியாகும் என்று தகவல்கள் வெளியாகின.


ஆப்பிள் இன்சைடர் வலைதளம் ஐபோன் 8 மாடலின் வடிவமைப்பு குறித்துக் கூறியுள்ளது. இதன் சிறப்பம்சங்கள்:

* ஐபோனின் வழக்கமான 4.7 மற்றும் 5.5 அங்குல அளவோடு, ஆப்பிள் நிறுவனம் மூன்றாவது வகையையும் அறிமுகப்படுத்த உள்ளது.

* ஐபோன் 8 மாடல், 5.1 அல்லது 5.2 அங்குல ஓஎல்ஈடி திரையோடு இருக்கும்.

* கண்ணுக்குத் தெரியாத முகப்புப் பொத்தானும், வளைந்த திரையும், இரட்டை லென்ஸ் கேமரா வசதியும் இருக்கும்.

* வயர் இல்லாமல் சார்ஜ் செய்யும் வசதி இருக்க வாய்ப்பு குறைவு என்று தெரிவிக்கப்பட்டுள்ளது.

* ஐபோன் 7 மற்றும் ஐபோன் 7 பிளஸ் ஆகியவற்றைப் போலவே ஐபோன் 8 மாதிரியிலும் அதே அலுமினியம் வடிவமைப்பு இருக்கும்.

* அதே போல அதிவேக ஏ11 சிப் மற்றும் ஓஎல்ஈடி திரை இதில் அமைக்கப்பட்டு வருவதாக ஆப்பிள் நிறுவனம் தெரிவித்துள்ளது.

சாம்சங் மற்றும் எல்ஜி நிறுவனங்கள், ஆப்பிள் நிறுவனத்தின் பிரதான ஓஎல்ஈடி வழங்குநர்களாக இருப்பது குறிப்பிடத்தக்கது.


ஆப்பிள் நிறுவனம்சிவப்பு ஐபோன்அடுத்த ஆண்டுஅறிமுகம்

Sign up to receive our newsletter in your inbox every day!

More From This Category

More From this Author

x