Published : 19 Jul 2022 03:28 PM
Last Updated : 19 Jul 2022 03:28 PM

இந்தியாவில் அறிமுகமானது ஒப்போ பேட் ஏர் டேப்லெட் | விலை & சிறப்பு அம்சங்கள்

புது டெல்லி: இந்திய ஸ்மார்ட்போன் சந்தையில் அறிமுகமாகி உள்ளது ‘ஒப்போ பேட் ஏர் டேப்லெட்’ சாதனம். இதன் விலை மற்றும் சிறப்பு அம்சங்கள் குறித்து பார்ப்போம்.

செல்போன் மற்றும் எலக்ட்ரானிக் சாதன பொருட்களை உற்பத்தி செய்து, உலகம் முழுவதும் விற்பனை செய்து வரும் சீன தேச நிறுவனங்களில் ஒன்று ஒப்போ. இந்நிறுவனத்தின் தயாரிப்புக்கு என இந்திய மக்களிடையே பிரத்யேக வரவேற்பு இருப்பது வழக்கம். அதன் காரணமாக அவ்வப்போது புதுப்புது மாடல்களை ஒப்போ அறிமுகம் செய்து வருகிறது. அந்த வகையில் இப்போது ஒப்போ பேட் ஏர் டேப்லெட், ரெனோ 8 5ஜி ஸ்மார்ட்போன் மற்றும் என்கோ X2 ஏர் பட்டையும் அறிமுகம் செய்துள்ளது.

இதில் ஒப்போ பேட் ஏர் டேப்லெட் சாதனத்தின் சிறப்பு அம்சங்கள் என்ன என்று பார்ப்போம். கடந்த மே மாதம் சீனாவில் இந்த டேப்லெட் விற்பனைக்கு வந்திருந்தது. இப்போது இந்தியாவிலும் அறிமுகமாகி உள்ளது. வரும் 23-ஆம் தேதி முதல் இந்த சாதனம் விற்பனைக்கு கிடைக்கும் என தெரிவிக்கப்பட்டுள்ளது.

  • 10.36 இன்ச் திரை அளவு கொண்டுள்ளது இதன் டிஸ்பிளே. 2கே எல்.சி.டி ஸ்கிரீன் மற்றும் 2000X1200 ரெஸல்யூஷனை கொண்டுள்ளது.
  • ஸ்னாப்டிராகன் 680 SoC புராசஸரில் இது இயங்குகிறது.
  • 4 ஜிபி ரேம் மற்றும் 64, 128 ஜிபி என இரண்டு விதமான வேரியண்ட்டுகளிலான இன்டர்னல் ஸ்டோரேஜையும் கொண்டுள்ளது இந்த டேப்லெட்.
  • 8 மெகாபிக்சல் பின்புற கேமரா மற்றும் 5 மெகாபிக்சல் செல்ஃபி கேமராவும் இதில் இடம்பெற்றுள்ளது.
  • 7100 mAh பேட்டரி இதில் இடம்பெற்றுள்ளது. அதன் மூலம் ஒரு முறை சார்ஜ் செய்தால் 15 மணி நேரம் வரை வீடியோ கால் மேற்கொள்ளலாம் எனவும் தெரிவிக்கப்பட்டுள்ளது.
  • இதன் ஸ்பீக்கர் டால்பி ஆட்டம் சப்போர்ட்டை கொண்டுள்ளது.
  • டைப் சி சார்ஜிங் போர்டை கொண்டுள்ளது இந்த டேப்லெட்.
  • 4 ஜிபி + 64 ஜிபி வேரியண்ட் விலை ரூ.16,999, 4 ஜிபி + 128 ஜிபி வேரியண்ட் விலை 19,999 எனவும் தெரிவிக்கப்பட்டுள்ளது.

தவறவிடாதீர்!

Sign up to receive our newsletter in your inbox every day!

 
x