Published : 06 Jun 2020 16:28 pm

Updated : 06 Jun 2020 16:28 pm

 

Published : 06 Jun 2020 04:28 PM
Last Updated : 06 Jun 2020 04:28 PM

இனவாதி என்று தேடினால் டொனால்ட் ட்ரம்ப்பின் பக்கத்தைக் காட்டும் ட்விட்டர்; காரணம் என்ன?

searching-twitter-for-racist-brings-up-trump-s-account

அமெரிக்க கறுப்பினத்தவர் ஜார்ஜ் ஃப்ளாய்டின் மரணத்தையொட்டி அமெரிக்கா முழுவதும் போராட்டம் நடந்து வரும் வேளையில், இனவாதி என்று தேடும்போது ட்விட்டரில் அமெரிக்க அதிபர் டொனால்ட் ட்ரம்ப்பின் பக்கம், பயனர்கள் பக்கத்தில் முதலில் காட்டப்படுகிறது.

இந்தத் தேடலில் வந்த இன்னும் சில பக்கங்களில் இனவாதம், இனவாதி ஆகிய வார்த்தைகள் அவர்களின் பெயர்களிலோ, அவர்களைப் பற்றிய விவரங்களிலோ கொடுக்கப்பட்டிருந்தன.

இதுகுறித்துப் பேசிய ட்விட்டர் செய்தித் தொடர்பாளர், "ஒரு பயனர், குறிப்பிட்ட ஒரு சில வார்த்தைகளை வைத்து ஒரு பயனரைப் பற்றிப் பேசும்போது, அந்தப் பக்கம், அந்த வார்த்தைகள் தேடலின் போது முன்னே வரும்படிதான் தளம் வடிவமைக்கப்பட்டுள்ளது. மேலும் இனவாதி என்ற வார்த்தையைப் பயன்படுத்தும் ட்விட்டர் பயனர்கள், அதோடு ட்ரம்ப்பின் பக்கத்தையும் குறிப்பிடுவதால் இப்படி நடந்திருக்கலாம்" என்று தெளிவான விளக்கம் அளித்தார்.

கடந்த மாதம் ட்ரம்ப் செய்த ட்வீட்களின் உண்மைத் தன்மையை அறிவது பற்றி ட்விட்டர் தளம் வெளிப்படையாகக் குறிப்பிட ஆரம்பித்ததிலிருந்தே ட்ரம்ப்புக்கும், ட்விட்டருக்குமான மோதல் வலுத்தது. பின்னர் சமூக ஊடக நிறுவனங்களின் பாதுகாப்பை ரத்து செய்யும் ஒரு சட்டத்தில் ட்ரம்ப் கையெழுத்திட்டார். தொடர்ந்து, ட்ரம்ப்பின் ஒரு ட்வீட் வன்முறையைத் தூக்கிப் பிடிப்பதாகவும், அது ட்விட்டரின் விதிமுறைகளை மீறிய வகையில் இருப்பதாகவும் கூறி அவரது ட்வீட்டை முடக்கியது ட்விட்டர்.

அதே ட்வீட்டை ஃபேஸ்புக்கில் பகிரும்போது அந்நிறுவனம் எந்த நடவடிக்கையையும் எடுக்கவில்லை. இப்போது அமெரிக்காவில் நடக்கும் போராட்டங்களுக்குத் தீவிர இடதுசாரி குழுக்களே காரணம் என்று சொல்லும் ட்ரம்ப்பின் பிரச்சார வீடியோ காப்புரிமை மீறலுக்காக முடக்கப்பட்டது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

இனவாதிடொனால்ட் ட்ரம்ப்டொனால்ட் ட்ரம்ப் ட்விட்டர் பக்கம்ட்விட்டர்ட்விட்டர் தளம்ஒரு நிமிட வாசிப்புஅமெரிக்க கறுப்பினத்தவர்ஜார்ஜ் ஃப்ளாய்ட் மரணம்

Sign up to receive our newsletter in your inbox every day!

You May Like

More From This Category

More From this Author