வால்பேப்பருக்கான தேவையும் எதிர்பார்ப்பும் அதிகமாகியிருக்கிறதே தவிர குறையவில்லை.
முன்பு டெஸ்க்டாப்பை அலங்கரிக்க மட்டும்தான் வால்பேப்பர் தேவைப்பட்டது என்றால் இப்போது கையில் இருக்கும் ஆண்ட்ராய்டு அல்லது ஐபோன் திரையைப் புத்துணர்ச்சியாக்கவும் வால்பேப்பர்கள் தேவைப்படுகின்றன.
வால்பேப்பர்கள் புதிதாக இருந்தால் மட்டும் போதாது அவற்றின் தோற்றம் வசீகரமாகவும் இருக்க வேண்டும். வால்பேப்பர்கள் உருவாக்கத்தில் வெளிப்படும் படைப்பாக்கம் பளிச்செனக் கவர வேண்டும்.
இத்தகைய வால்பேப்பர்கள் உங்களுக்கும் வேண்டுமா? வால்பேப்பர் டிஸ்கோ என்னும் இணையதளம், கலைநயமும் டிஜிட்டல் படைப்பாக்கமும் மிக்க வால்பேப்பர்களுடன் உங்களுக்காகக் காத்திருக்கிறது.
டெஸ்க்டாப் மற்றும் ஸ்மார்ட் போன்களுக்கான விதவிதமான வால்பேப்பர்கள் வியக்கவைக்கின்றன. ஒவ்வொரு வால்பேப்பருக்கமான அறிமுக வரிகளைக் கவனிக்க வேண்டும்.
இணையதள முகவரி: >http://wallpaperdisco.com/