Published : 18 Dec 2018 14:00 pm

Updated : 18 Dec 2018 14:00 pm

 

Published : 18 Dec 2018 02:00 PM
Last Updated : 18 Dec 2018 02:00 PM

யூடியூப் வரலாற்றிலேயே அதிக டிஸ்லைக்குகள்: மோசமான சாதனை படைத்த யூடியூபின் வீடியோ

உலக அளவில் முன்னணி வீடியோ இணையதளமான யூடியூப் மோசமான சாதனையைப் படைத்துள்ளது. அந்நிறுவனம் தயாரித்த வீடியோ, யூடியூப் வரலாற்றிலேயே அதிக டிஸ்லைக்குகள் பெற்ற வீடியோ என்ற சாதனையைப் படைத்துள்ளது.

ஒவ்வோர் ஆண்டின் இறுதியிலும் 'ரீவைண்ட்' என்ற பெயரில் அந்த ஆண்டின் நிகழ்வுகளை வீடியோவாக யூடியூப் வரிசைப்படுத்தி வருகிறது. சுவாரஸ்ய சம்பவங்கள், பொழுதுபோக்கு நிகழ்வுகள் உள்ளிட்ட பலவற்றின் தொகுப்பாக அது இருக்கும். ஆனால் இந்த ஆண்டில் வெளியான 'ரீவைண்ட் 2018' என்ற வீடியோ மோசமான சாதனையைப் படைத்துள்ளது.

டிசம்பர் 6- தேதி வெளியான இந்த வீடியோவை 1.36 கோடி பேர் டிஸ்லைக் செய்துள்ளனர். ஏராளமானோர், ''இதுபோன்ற மோசமான வீடியோவைப் பார்த்ததே இல்லை'' என்று கருத்து தெரிவித்துள்ளனர்.

இதற்கு முன்னதாக 2010-ம் ஆண்டு, கனடா பாடகர் ஜஸ்டின் பீபர் பாடிய பாப் பாடலான 'பேபி' வீடியோவே 1 கோடி பேருக்கும் மேலானாரால் டிஸ்லைக் செய்யப்பட்டு, 'அதிக டிஸ்லைக்குகள் பெற்ற வீடியோ' என்ற பெயரைப் பெற்றிருந்தது.

தற்போது யூடியூப் வெளியிட்ட வீடியோ வெளியான 12 நாட்களுக்குள் மோசமான சாதனையைப் படைத்துள்ளது. வீடியோவைப் பார்த்தவர்களில் 85.38% பேர் வீடியோ நன்றாக இல்லை என்று டிஸ்லைக் செய்துள்ளனர்.

எனினும் இதற்கு ட்விட்டரில் பதிலளித்துள்ள யூடியூப், ''ரீவைண்ட் குழுவினருக்கும் விமர்சகர்களுக்கும் நன்றி. அடுத்த ஆண்டு சிறப்பாக செயல்படுவோம்'' என்று தெரிவித்துள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

    Sign up to receive our newsletter in your inbox every day!

    You May Like

    More From This Category

    More From this Author