குற்றச் செயல்களை முன்கூட்டியே தடுக்க தி.நகரில் போலீஸார் கூட்டு சோதனை: சிறிய தெருக்களில் நடை ரோந்து

கோப்புப் படம்

கோப்புப் படம்

Updated on: 
1 min read

சென்னை: குற்​றச் செயல்​களை முன்​கூட்​டியே தடுக்​கும் வகை​யில் தி.நகர் பகுதி​யில் போலீஸார் கூட்​டுச் சோதனை மற்​றும் கண்​காணிப்​பில் ஈடு​பட்​டனர்.

சென்​னை​யில் குற்​றச் செயல்​களை முற்​றி​லும் தடுக்​கும் நட​வடிக்​கை​யின் ஒரு பகுதி​யாக நேற்று முன்​தினம் மாலை தி.நகர் காவல் துணை ஆணை​யர் மேற்​பார்​வை​யில், 4 உதவி ஆணை​யர்​கள் தலை​மையில் சிறப்பு கூட்​டுச் சோதனை நடை​பெற்​றது.

இதில் காவல் ஆய்​வாளர்​கள், உதவி ஆய்​வாளர்​கள் மற்​றும் ஆயுதப்​படை போலீ​ஸார் என ஏராளமானோர் 5 குழுக்​களாகப் பிரிந்து, கே.கே.நகர், எம்.ஜி.ஆர்.நகர் காவல் நிலைய எல்லைகளில் தீவிர ரோந்து மற்​றும் வாகன சோதனை​யில் ஈடு​பட்​டனர்.

இந்த அதிரடி நட​வடிக்​கை​யின்​போது, 56 சரித்​திரப் பதிவேடு குற்​றவாளி​களிடம் போலீ​ஸார் விசா​ரணை நடத்​தினர்.

மேலும், எம்.ஜி.ஆர்.நகர் காவல் நிலை​யத்​தில் பதிவான கஞ்சா வழக்​கில் நீதி​மன்​றத்​தால் பிடி​யாணை பிறப்​பிக்​கப்​பட்டு தலைமறைவாக இருந்த ஜாபர்​கான்​பேட்​டையைச் சேர்ந்த கணேஷ் (25) என்​பவரும், அசோக் நகர் காவல் நிலைய எல்​லைக்​குட்​பட்ட அடிதடி வழக்​கில் தலைமறைவாக இருந்த சிலம்​பரசன் (23), தேவா (26) ஆகிய இரு​வரும் என மொத்​தம் 3 பேர் கைது செய்​யப்​பட்​டு சிறை​யில் அடைக்​கப்​பட்​டனர்.

வாகனச் சோதனை

இதற்​கிடையே, தடை செய்​யப்​பட்ட புகை​யிலைப் பொருட்​கள் விற்​பனை செய்​யப்​படு​கிறதா? என்​பதை கண்​டறிய 20 கடைகளில் போலீ​ஸார் சோதனை நடத்​தினர். மேலும், தீவிர வாக​னத் தணிக்​கை​யில் 146 வாக​னங்​கள் சோதனை​யிடப்​பட்​டன.

மேலும், முக்​கிய சாலை சந்​திப்​பு​கள், பொது​மக்​கள் அதி​கம் கூடும் சந்​தைகள், பேருந்து நிலை​யங்​கள் மற்​றும் சிறிய தெருக்​களில் போலீ​ஸார் நடைரோந்து மேற்​கொண்​டனர். அப்​போது பொது​மக்​களிடம் கலந்​துரையாடி, அவர்​களது குறைகளை​யும் கேட்​டறிந்​தனர்.

சரித்​திரப் பதிவேடு குற்​றவாளி​கள், தொடர் குற்​றங்​களில் ஈடு​படு​பவர்​கள், நீதி​மன்​றப் பிடி​யாணை பிறப்​பிக்​கப்​பட்​ட​வர்​கள், தலைமறைவு குற்​றவாளி​கள் மற்​றும் சந்​தேக நபர்​களின் நட​மாட்​டத்​தைக் கண்​காணிப்​ப​தும், சட்​ட​விரோத செயல்​களைக் கண்​டறிவதும், போதைப்​பொருட்​கள் மற்​றும் தடை செய்​யப்​பட்ட பொருட்​களின் விற்​பனையைத் தடுப்​ப​துமே இந்த கூட்​டுச் சோதனை​யின் முக்​கிய நோக்​கம் என காவல் ஆணை​யர் அமல்​ராஜ் தெரி​வித்​தார்.

<div class="paragraphs"><p>கோப்புப் படம்</p></div>
குடியரசுத் துணைத் தலைவர் வருகை: சென்னையில் 2 நாட்களுக்கு ட்ரோன்கள் பறக்க தடை

X