மேட்டூர் / தருமபுரி: மேட்டூர் அணைக்கு நீர்வரத்து விநாடிக்கு 3,981 கனஅடியாக சரிந்துள்ளது.
மேட்டூர் அணைக்கு நேற்று முன்தினம் விநாடிக்கு 4,282 கனஅடியாக இருந்த நீர்வரத்து நேற்று 3,981 கனஅடியாக குறைந்தது. அணையில் இருந்து டெல்டா பாசனத்துக்கு விநாடிக்கு 3,000 கனஅடியும், கால்வாய் பாசனத்துக்கு 400 கன அடியும் தண்ணீர் திறக்கப்பட்டு வருகிறது. மேட்டூர் அணை நீர்மட்டம் 116.23 அடியாகவும், நீர் இருப்பு 87.58 டிஎம்சியாகவும் உள்ளது.ஒகேனக்கல் காவிரியில் கடந்த 5-ம் தேதி காலை விநாடிக்கு 5,000 கனஅடியாக இருந்த நீர்வரத்து 7-ம் தேதி மாலை வரை 5,000 கனஅடியாகவே நீடித்தது. இந்நிலையில் நேற்று முன்தினம் 6,000 கனஅடியாக உயர்ந்த நீர்வரத்து நேற்று காலை 5,000 கனஅடியாக குறைந்தது.
