முதல்வர் விஜய்
சென்னை: மதுராந்தகம் தொகுதியில் தவெக வேட்பாளர் மரகதம் குமரவேலுக்கு ஆதரவு கேட்டு அக்கட்சியின் தலைவரும் முதல்வருமான விஜய் சாலை வலம் (ரோட் ஷோ) மேற்கொண்டார். அவருக்கு தவெக-வினரும், பொதுமக்களும் உற்சாக வரவேற்பு அளித்தனர்.
தமிழகத்தில், சட்டப்பேரவை இடைத்தேர்தலுக்கான பிரச்சாரம் இறுதி கட்டத்தை எட்டியிருக்கிறது. இந்நிலையில், மதுராந்தகம் தவெக வேட்பாளர் மரகதம் குமாரவேலை ஆதரித்து முதல்வர் விஜய் இன்று சாலைவலம் மேற்கொண்டார்.
செங்கல்பட்டு மாவட்டம், மாமண்டூரில் இன்று பிற்பகல் சுமார் 2.30 மணியளவில் சாலைவலத்தை தொடங்கினார். அங்கிருந்து மதுராந்தகம் வரை சுமார் 39 சந்திப்புகளில் பிரச்சார வாகனத்தில் நின்றபடி முதல்வர் விஜய் வாக்கு சேகரித்தார்.
மாமண்டூர் அடுத்து, புக்கத்துறை, பழையனூர், படாளம், ஜானகிபுரம், மேலவலம்பேட்டை, கருங்குழி, மதுராந்தகம் புறவழிச்சாலை, மோச்சேரி, மொரப்பாக்கம், தண்டலம், பெரும்பாக்கம், எல்.எண்டத்தூர், செம்பூண்டி, பசுவங்கரணை, கீழாமூர், ராமாபுரம், மோகல்வாடி, பொற்பனங்கரணை, எலப்பாக்கம், ஆனைக்குன்னம், கீழ் அத்திவாக்கம், கடமலைபுத்தூர், பெரும்பேர்கண்டிகை, தேன்பாக்கம், மேல்மருவத்தூர் கோயில் சந்திப்பு, சோத்துப்பாக்கம், மாம்பாக்கம் உட்பட 39 இடங்களில் வாகனம் மூலம் முதல்வர் விஜய் மக்களை சந்தித்து வாக்கு சேகரிக்கிறார்.
