சென்னை: தட்டச்சு, சுருக்கெழுத்து உள்ளிட்ட தொழிற்பயிற்சிகளை நடத்தி வரும் நிரந்தர, தற்காலிக அங்கீகாரம் பெற்ற வணிகவியல் பயிலகங்கள் ஜூலை 19-ம் தேதிக்குள் அங்கீகாரத்தை புதுப்பிக்க வேண்டும்.
இது தொடர்பாக தொழில்நுட்பக் கல்வி கூடுதல் இயக்குநர் (தேர்வுகள்) ஏ.ராஜ்நந்தினி அனுப்பிய சுற்றறிக்கை: நிரந்தர மற்றும் தற்காலிக அங்கீகாரம் பெற்று செயல்பட்டு வரும் அனைத்து வணிகவியல் பயிலகங்களும் (தட்டச்சு, சுருக்கெழுத்து பயிற்சி நிலையங்கள்) ஆண்டு அங்கீகார புதுப்பித்தலுக்கு http://tims.tndtegteonline.in என்ற இணைதளம் வாயிலாக ஆன்லைனில் விண்ணப்பத்தை ஜூலை 19-ம் தேதிக்குள் சமர்ப்பிக்க வேண்டும்.
விண்ணப்பக் கட்டணம் ரூ.30. நிரந்தர அங்கீகாரம் பெற்ற பயிலகங்களுக்கு புதுப்பிப்பு கட்டணம் ரூ.250 ஆகவும், தற்காலிக அங்கீகாரம் பெற்ற பயிலகங்களுக்கு ரூ.750 ஆகவும் நிர்ணயம் செய்யப்பட்டுள்ளது.
