திருமாவளவன்
அரியலூர்: தமிழகத்தில் சட்டம் ஒழுங்கை பாதுகாக்க அரசு கூடுதல் கவனம் செலுத்த வேண்டும் என விடுதலைச் சிறுத்தைகள் கட்சித் தலைவர் திருமாவளவன் தெரிவித்தார். அரியலூர் மாவட்டம் கோவிந்தபுரம் ஊராட்சியில் அரங்க மேடை, பார்பனச்சேரி ஊராட்சியில் பகுதி நேர ரேஷன் கடை, மேலப்பழுவூர் ஊராட்சியில் சமுதாயக்கூடம் ஆகியவற்றை விடுதலைச் சிறுத்தைகள் கட்சித் தலைவரும், எம்.பி.யுமான திருமாவளவன் நேற்று திறந்து வைத்தார்.
பின்னர் செய்தியாளர்களிடம் அவர் கூறியதாவது: எஸ்ஐஆர் மூலம் மிகப்பெரிய ஜனநாயகப் படுகொலை நடந்துள்ளது. இந்தச் சூழலில் தேர்தல் ஆணையம் அடுத்தகட்டத்தை நோக்கி நகர்வது ஏற்புடையதல்ல. பாஜக, ஆர்எஸ்எஸ் சதி முயற்சிகளை முறியடிக்க தேசிய அளவில் ஜனநாயக சக்திகள் ஓரணியில் திரள வேண்டும்.
நடிகர் தனுஷ் மட்டுமல்ல, ஜனநாயக கட்டமைப்பில் அனைவருக்கும் அரசியலில் ஈடுபடும் உரிமையும், சுதந்திரமும் உள்ளது. தமிழகத்தில் சட்டம் ஒழுங்கை பாதுகாக்க தமிழக அரசு கூடுதல் கவனம் செலுத்த வேண்டும். செஞ்சியில் காணாமல் போன சிறுமியை சிபிசிஐடி போலீஸார் கண்டுபிடித்துவிடுவார்கள் என நம்புகிறோம். இவ்வாறு அவர் தெரிவித்தார்.
