கண் பரிசோதனை முகாம்
சென்னை: சென்னை ட்வின்டெக் இன்ஸ்டிடியூட் ஆஃப் எஜுகேஷன் டிரஸ்ட்டின் ஒரு பிரிவான 'ட்வின்டெக் ஹெல்த்கேர் சர்வீசஸ்' சார்பில், மயிலாடுதுறை மாவட்டம் சீர்காழியில் உள்ள வேத பாடசாலையில் வேத மாணவர்களுக்கான 30-வது விரிவான கண் பரிசோதனை முகாம் ஜூலை 18 மற்றும் 19 ஆகிய தேதிகளில் நடைபெற்றது.
இது குறித்து ட்வின்டெக் ஹெல்த்கேர் சர்வீசஸின் நிர்வாக இயக்குநர் டாக்டர் அ.மகாலிங்கம் வெளியிட்ட தகவல்: சென்னை ட்வின்டெக் இன்ஸ்டிடியூட் ஆஃப் எஜுகேஷன் டிரஸ்ட்டின் ஒரு பிரிவான ‘ட்வின்டெக் ஹெல்த்கேர் சர்வீசஸ்’, மயிலாடுதுறை மாவட்டம் சீர்காழியில் உள்ள ஒரு வேதபாடசாலையில், 2026 ஜூலை 18 மற்றும் 19 ஆகிய தேதிகளில் வேத மாணவர்களுக்கான தனது 30-வது விரிவான கண் பரிசோதனை முகாமை நடத்தியது.
திருஞானசம்பந்தர் பிறந்த இல்லத்தில் நடைபெற்ற இக்கண் பரிசோதனை முகாமில், ட்வின்டெக் ஹெல்த்கேரின் தொடர்ச்சியான வேதபாடசாலை கண் பராமரிப்பு முன்முயற்சியின் ஒரு பகுதியாக மொத்தம் 32 வேத மாணவர்களுக்கு விரிவான கண் பரிசோதனை மேற்கொள்ளப்பட்டது.
பரிசோதனையின் முடிவில், 28% மாணவர்களுக்கு பார்வைக் குறைபாடு (Refractive Error) இருப்பது கண்டறியப்பட்டு, பார்வைத் திருத்தக் கண்ணாடிகள் தேவைப்படுவதாக தெரியவந்தது. மாணவர்களுக்கான கண்ணாடிகள் ஆர்டர் செய்யப்பட்டுள்ளன. அவை ஒரு வாரத்திற்குள் மாணவர்களுக்கு இலவசமாக வழங்கப்படும்.
சீர்காழியில் நடைபெற்ற இந்நிகழ்ச்சியைத் தொடர்ந்து, மயிலாடுதுறை மற்றும் அதனைச் சுற்றியுள்ள மாவட்டங்களில் உள்ள மேலும் சில வேத பாடசாலைகளிலிருந்து இதேபோன்ற விரிவான கண் பரிசோதனைகளை நடத்துமாறு ட்வின்டெக் ஹெல்த்கேர் சர்வீசஸிடம் கோரிக்கைகள் வந்துள்ளன. இத்திட்டங்கள் 2026 ஆகஸ்ட் மாதத்தில் திட்டமிடப்படும் என எதிர்பார்க்கப்படுகிறது.
பாரம்பரிய வேதக் கல்வியைத் தொடர்ந்து பயிலும் மாணவர்களுக்கு எளிதில் அணுகக்கூடிய மற்றும் விரிவான கண் பராமரிப்பு சேவைகளை வழங்குவதே இம்முன்முயற்சியின் முக்கிய நோக்கமாகும். இந்தியாவின் வளமான வேத பாரம்பரியத்தைப் பாதுகாத்து வரும் மாணவர்களின் பார்வையைப் பாதுகாக்கும் ட்வின்டெக் ஹெல்த்கேரின் தொடர்ச்சியான முயற்சிகளில், 30-வது வேத பாடசாலை கண் பராமரிப்பு திட்டம் மற்றொரு முக்கிய மைல்கல்லாக அமைந்துள்ளது என்று அதில் தெரிவிக்கப்பட்டுள்ளது.
