சென்னை: தமிழ்நாடு உடனடி சாம்பிராணி உற்பத்தியாளர்கள் சங்க நிர்வாகிகள் சென்னையில் நேற்று கூறியதாவது:
உடனடி சாம்பிராணி, பூஜைப் பொருட்கள் உற்பத்தியாளர்கள், விநியோகஸ்தர்கள், மொத்த, சில்லறை விற்பனையாளர்களை ஒரே இடத்தில் இணைத்து, புதிய வணிக வாய்ப்புகளை உருவாக்கும் நோக்கில் நாட்டில் முதல்முறையாக தமிழகத்தில் தேசிய அளவிலான பிரத்யேக கண்காட்சிக்கு ஏற்பாடு செய்துள்ளோம். மதுரை ஐடா ஸ்கட்டர் அரங்கில் நவ.27, 28, 29-ம் தேதிகளில் கண்காட்சி நடைபெறுகிறது.
தமிழகம் முழுவதிலும் இருந்து 100-க்கும் மேற்பட்ட சாம்பிராணி, பூஜைப் பொருட்கள் உற்பத்தியாளர்கள் தங்களது தயாரிப்புகளுடன் இதில் பங்கேற்க உள்ளனர். இதன்மூலம் அவர்கள் தங்களது தயாரிப்புகளை நாடு முழுவதும் சந்தைப்படுத்தவும், புதிய விநியோகஸ்தர்களை அடையாளம் காணவும், வணிகத் தொடர்புகளை விரிவுபடுத்தவும் வாய்ப்பு கிடைக்கும். அனுமதி இலவசம். இவ்வாறு கூறினர்.
