தேர்தல் பிரச்சாரம் இன்று மாலை 6 மணியுடன் முடிவடைகிறது

சென்னை: தமிழக சட்​டப்​பேர​வைத் தேர்​தல் பிரச்​சா​ரம் இன்று மாலை 6 மணி​யுடன் நிறைவடைகிறது. அதன் பிறகு, தொகு​திக்கு சம்​பந்​தம் இல்​லாதவர்​கள் வெளி​யேற தேர்​தல் ஆணை​யம் உத்​தர​விட்​டுள்​ளது.

தமிழக சட்​டப்​பேர​வைத் தேர்​தல் ஒரே கட்​ட​மாக 23-ம் தேதி நடை​பெற உள்​ளது. இதற்​கான அறி​விப்பை தேர்​தல் ஆணை​யம் கடந்த மார்ச் 15-ம் தேதி வெளி​யிட்​டது. அன்​றைய தினமே நடத்தை விதி​கள் அமலுக்கு வந்​தன. தமிழகம் முழு​வதும் பறக்​கும் படை​யினர், நிலைக் கண்​காணிப்​புக் குழு​வினர் தீவிர சோதனை நடத்தி வரு​கின்​றனர்.

தீவிர கண்காணிப்பு பணியில் இதுவரை தமிழகத்தில் மொத்தம் ரூ.1,213 கோடி மதிப்பில்லான ரொக்கம் மற்றும் பொருட்கள் பறிமுதல் செய்யப்பட்டன.

மொத்​தம் 4,023 வேட்​பாளர்​கள் களத்​தில் உள்​ளனர். 5.73 கோடி பேர் வாக்​களிக்க தகுதி பெற்​றுள்​ளனர். இதற்​காக 75,064 வாக்​குச்​சாவடிகள் தயார் நிலை​யில் உள்​ளன. அங்கு குடிநீர், கழி​வறை, மாற்​றுத் திற​னாளி​களுக்​கான சாய்​வுதளம் உள்​ளிட்ட வசதி​கள் ஏற்​படுத்​தப்​பட்​டுள்​ளன. வெயிலின் தாக்கம் அதிகரித்து வருதால், 500-க்கும் மேற்பட்ட நடமாடும் மருத்துவக் குழுக்களும் அமைக்கப்பட்டுள்ன.

தேர்​தல் பணி​யில் 83,875 போலீ​ஸார், 40,427 அரசுஊழியர்​கள் ஈடு​படுத்​தப்​பட்​டுள்​ளனர். பாது​காப்பு பணி​யில் 300 கம்​பெனி துணை ராணுவப் படை​யினர் ஈடு​பட்டு வரு​கின்​றனர். ஒரு லட்​சத்​துக்​கும் மேற்​பட்ட வாக்​குப்​ப​திவு இயந்​திரங்​கள், 75 ஆயிரத்​துக்​கும் மேற்​பட்ட கட்​டுப்​பாட்டு இயந்​திரங்​கள், விவி​பாட் இயந்​திரங்​கள் பயன்​படுத்​தப்பட உள்​ளன. வாக்​குப்​ப​திவு இயந்​திரங்​களில் வேட்​பாளர்​களின் பெயர், வண்​ணப் புகைப்​படம், கட்​சி​யின் சின்​னம் ஆகியவை பொருத்​தப்​பட்​டு, தேர்​தல் நடத்​தும் அதி​காரி​களின் கட்​டுப்​பாட்​டில் பாது​காப்​பாக வைக்​கப்​பட்​டுள்​ளன. இவை பலத்த பாது​காப்​புடன் நாளை (ஏப்​.22) வாக்​குச்​சாவடி வாரி​யாக அனுப்பி வைக்​கப்பட உள்​ளன.

இதற்​கிடையே, அனைத்து வேட்​பாளர்​களும் வீடு வீடாகச் சென்​றும், வாக​னத்​தில் சென்​றும், பொது​மக்​களை சந்​தித்து இறு​தி​கட்ட வாக்கு சேகரிப்​பில் தீவிர​மாக ஈடு​பட்​டுள்​ளனர். இந்​நிலை​யில், ஏற்​கெனவே அறிவிக்​கப்​பட்​டபடி, தேர்​தல் பிரச்​சா​ரம் இன்று மாலை 6 மணி​யுடன் முடிவடைகிறது.

மாலை 6 மணிக்கு பிரச்​சா​ரம் ஓய்ந்​தது முதல் வாக்​குப்​ப​திவு நாளான 23-ம் தேதி மாலை 6 மணி வரையி​லான 48 மணி நேர அமைதி காலத்​தில் அரசி​யல் கட்​சிகள் கடைபிடிக்​கவேண்​டிய வழி​காட்​டு​தல்​களை இந்​திய தேர்​தல் ஆணை​யம் வெளி​யிட்​டுள்​ளது.

அதன் விவரம்: ஏப்​.21-ம் தேதி மாலை 6 மணி முதல் 23-ம் தேதி மாலை 6 மணி வரை தேர்​தல் தொடர்​பான எந்​தவொரு பொதுக் கூட்​டத்​தையோ, ஊர்​வலத்​தையோ யாரும் ஒருங்​கிணைக்​கவோ, நடத்​தவோ, அதில் பங்​கேற்​கவோ கூடாது. தேர்​தல் தொடர்​பான விவ​காரங்​களை திரைப்​படம், தொலைக்​காட்​சி, வானொலி, குறுஞ்​செய்​தி, இணை​யம், வாட்​ஸ்​அப், முகநூல் போன்ற வலை​தளங்​கள் என எந்த வடிவி​லான தகவல் தொடர்பு மூல​மாக​வும் மக்​களின் பார்​வைக்கு கொண்​டு​செல்​லக் கூடாது. மீறினால் 2 ஆண்டு சிறை அல்​லது அபராதம் அல்​லது இரண்​டும் விதிக்​கப்​படும்.

தொகு​திக்கு வெளியே இருந்து அழைத்து வரப்​பட்ட அனைத்து அரசி​யல் கட்சி நிர்​வாகி​கள், கட்​சிப் பணி​யாளர்​கள் என தொகுதி வாக்​காளர்​கள் அல்​லாத அனை​வரும் இன்று மாலை 6 மணிக்கு தொகு​தி​யை​விட்டு வெளி​யேற வேண்​டும். இவ்​வாறு அதில் கூறப்​பட்​டுள்​ளது.

இன்று காலை 10 மணி முதல் 23-ம் தேதி நள்​ளிரவு 12 மணி வரை டாஸ்​மாக் கடைகள், பார்​களை மூடு​மாறு தேர்​தல் ஆணை​யம் உத்​தர​விட்​டுள்​ளது.