சுகாதாரம், உயர்கல்வித் துறைக்கு ரூ.262 கோடியில் கட்டிடங்கள்: முதல்வர் விஜய் திறந்துவைத்தார்

சுகாதாரம், உயர்கல்வித் துறைக்கு ரூ.262 கோடியில் கட்டிடங்கள்: முதல்வர் விஜய் திறந்துவைத்தார்
Updated on: 
1 min read

சென்னை: சுகாதா​ரம் மற்​றும் உயர்​கல்​வித் துறைகள் சார்​பில் ரூ.262.15 கோடி​யில் கட்​டப்​பட்ட கட்​டிடங்​களை முதல்​வர் விஜய் நேற்று காணொலி​யில் திறந்​து​வைத்​தார். இது​குறித்து தமிழக அரசு வெளி​யிட்ட செய்​திக்​குறிப்பு:

சுகாதா​ரத்​துறை சார்​பில், கள்​ளக்​குறிச்சி மாவட்​டம், திருக்​கோவிலூர் அரசு மருத்​து​வ​மனையை அரசு தலைமை மருத்​து​வ​மனையாகத் தரம் உயர்த்தி ரூ.59.04 கோடி மதிப்​பில் புதிய கட்​டிடம் மற்​றும் மருத்​துவ உபகரணங்​கள், கரூர், பள்​ளப்​பட்டி அரசு மருத்​து​வ​மனை​யில் ரூ.6.37 கோடி​யில் கட்​டப்​பட்​டுள்ள கூடுதல் மருத்​து​வக் கட்​டிடம், ஈரோடு, சத்​தி​யமங்​கலம் அரசு மருத்​து​வ​

மனை​யில் ரூ.6.18 கோடி​யில் சீமாங்க் பிரிவுக்​கான புதிய கட்​டிடம் மற்​றும் மருத்​துவ உபகரணங்​கள், கவுந்​தப்​பாடி அரசு மருத்​து​வ​மனை​யில் ரூ.3.50 கோடி​யில் கட்​டப்​பட்​டுள்ள கூடுதல் கட்​டிடம் ஆகிய​வற்றை காணொலி​யில் முதல்​வர் விஜய் நேற்று திறந்து வைத்​தார்.

இது​த​விர, ஈரோடு மற்​றும் சேலம் அரசு மருத்​து​வக் கல்​லூரி மருத்​து​வ​மனைகள், பரமத்​தி வேலூர், பெரும்​புதூர் மற்​றும் அரக்​கோணம் அரசு மருத்​து​வ​மனைகளில் ரூ.135.05 கோடி​யில் அமைக்​கப்​பட்​டுள்ள தீவிர சிகிச்​சைப் பிரிவு கட்​டிடங்​களை​யும் திறந்து வைத்​தார்.

உயர்​கல்​வித் துறை

உயர்​கல்​வித் துறை சார்​பில், கோயம்​புத்​தூர், திருப்​பூர், தஞ்​சாவூரில் உள்ள அரசு தொழில்​நுட்​பக் கல்​லூரி, அரசு கலைக் கல்​லூரி​கள் ஆகிய​வற்​றில் ரூ.52.01 கோடி​யில் கட்​டப்​பட்​டுள்ள ஆண்​களுக்​கான கூடுதல் தங்​கும் விடுதிக் கட்​டிடம், கூடுதல் வகுப்​பறைகள், ஆய்​வகங்​கள், பன்​நோக்கு திறந்​தவெளி அரங்​கம், உள்​விளை​யாட்​டரங்​கம் போன்ற பல்​வேறு கல்​விசார் கட்​டிடங்​களைத் திறந்து வைத்​தார். மேலும், செங்​கல்​பட்டு மாவட்​டம், ஆலந்​தூரில் ரூ.22.10 கோடி​யில் கட்​டப்​பட​வுள்ள புதிய அரசு கலை மற்​றும் அறி​வியல் கல்​லூரிக் கட்​டிடத்​துக்கு அடிக்​கல் நாட்​டினார்.

இந்​நிகழ்​வில், அமைச்​சர்​கள் அருண்​ராஜ், விஸ்வநாதன், தலை​மைச்​செயலர் மு.சாய்​குமார் உள்​ளிட்​டோர் பங்​கேற்​றனர்.

சுகாதாரம், உயர்கல்வித் துறைக்கு ரூ.262 கோடியில் கட்டிடங்கள்: முதல்வர் விஜய் திறந்துவைத்தார்
ரூ.6 கோடியில் இரும்பு கண்மணி திட்டம்: 17 லட்சம் மாணவருக்கு ரத்தசோகை பரிசோதனை

X