சென்னை: பிரதமர் நரேந்திர மோடிக்கு சமூக வலைதளத்தில் முதல்வர் விஜய் வாழ்த்து தெரிவித்துள்ளார்.
பிரதமர் நரேந்திர மோடி இன்று தனது 76-வது பிறந்தநாளை கொண்டாடுகிறார். அவருக்கு உள்நாடு முதல் உலக நாடுகள் வரையிலான தலைவர்கள், தங்களது வாழ்த்தினை தெரிவித்துள்ளனர். அந்த வகையில் பிரதமர் நரேந்திர மோடிக்கு சமூக வலைதளத்தில் முதல்வர் விஜய் வாழ்த்து தெரிவித்துள்ளார்.
முதல்வர் விஜய் வெளியிட்டுள்ள வாழ்த்துப் பதிவில், “வலிமையான இந்தியாவை உருவாக்கும் நோக்கில் அர்ப்பணிப்புடன் செயல்பட்டுவரும் இந்தியப் பிரதமர் நரேந்திர மோடி அவர்களுக்கு எனது மனமார்ந்த பிறந்தநாள் வாழ்த்துகளைத் தெரிவித்துக் கொள்கிறேன்.
தாங்கள் நல்ல உடல்நலத்துடனும், நீண்ட ஆயுளுடனும் நீடுழி வாழ உளமார வாழ்த்துகிறேன்” என்று கூறியுள்ளார்.
தமிழக முதல்வராக கடந்த மே மாதம் விஜய் பொறுப்பேற்றார். அதன் பின்னர் பிரதமர் மோடியை டெல்லியில் அவர் இரண்டு முறை சந்தித்திருக்கிறார் என்பது குறிப்பிடத்தக்கது.
