‘வி த லீடர்ஸ்’ அமைப்பின் தலைவர் அண்ணாமலை
கோவை: கோவை மாவட்டம் வேலந்தாவளத்தில் ‘வீ த லீடர்ஸ்’ அமைப்பின் நிறுவனர் அண்ணாமலை செய்தியாளர்களிடம் கூறியதாவது: அரசியலில் பெண்கள் குறித்து தரக்குறைவாகப் பேசுவதை மக்கள் விரும்ப மாட்டார்கள். அரசியலில் அடிப்படை மாற்றங்களைக் கொண்டுவரவும், புதிய தலைவர்களை உருவாக்கவும் உள்ளாட்சித் தேர்தலில் எங்கள் அமைப்பு தனித்துப் போட்டியிடும். தேர்தல் ஆணையம் போன்ற அரசியலமைப்புகளின் மீதான பொதுமக்களின் நம்பிக்கையைக் குலைக்கும் வகையில், யாரும் செயல்படக்கூடாது.
தமிழகத்தில் 10 முதல் பிளஸ் 2 வரை பயிலும் பள்ளி மாணவர்களின் எண்ணிக்கை கணிசமாகக் குறைந்துள்ளது. உயர்கல்விக்கு செல்லும் மாணவர்களின் விகிதம் குறைந்து வருவது கவலையளிக்கிறது. இளம் தலைமுறையினரின் எதிர்காலம் கருதி, 18 வயதுக்கு உட்பட்ட சிறுவர்கள் சமூக வலைதளங்களைப் பயன்படுத்துவதற்கு மத்திய அரசு தடை விதிக்க வேண்டும். இவ்வாறு அவர் கூறினார்.
