சென்னை: அதிமுக கூட்டணியில் ஐஜேகேவுக்கு 2, தமமுக, புரட்சி பாரதத்துக்கு தலா 1 தொகுதி ஒதுக்கீடு செய்யப்பட்டுள்ளது.
அதிமுக கூட்டணியில் ஏற்கெனவே பாஜகவுக்கு 27 தொகுதிகள், பாமகவுக்கு 18 தொகுதிகள், அமமுகவுக்கு 11 தொகுதிகள் ஒதுக்கீடு செய்யப்பட்டன. அதனைத் தொடர்ந்து ஜி.கே.வாசனின் தமிழ் மாநில காங்கிரஸ் கட்சிக்கு 5 தொகுதிகள் ஒதுக்கப்பட்டன. இந்த 5 தொகுதிகளிலும் தமாகா தாமரை சின்னத்தில் போட்டியிடும் என அறிவிக்கப்பட்டுள்ளது.
இதனை தொடர்ந்து பாரிவேந்தரின் இந்திய ஜனநாயக கட்சிக்கு 2 தொகுதிகள், ஜான் பாண்டியனின் தமமுகவுக்கு 1 மற்றும் புரட்சி பாரதம் கட்சிக்கு 1 தொகுதி ஒதுக்கீடு செய்யப்பட்டுள்ளன. ஏ.சி.சண்முகத்தின் புதிய நீதிக் கட்சி, திருமாறனின் தென்னிந்திய பார்வர்டு பிளாக் உள்ளிட்ட சில கட்சிகளுக்கு இதுவரை தொகுதிப் பங்கீடு நிறைவடையவில்லை.
இதனைத் தொடர்ந்து அதிமுக கூட்டணியின் தோழமைக் கட்சிகள் போட்டியிடும் தொகுதிகளின் பட்டியலையும் எடப்பாடி பழனிசாமி வெளியிட்டார்.
