இலங்கையிலிருந்து தனுஷ்கோடிக்கு அகதிகளாக 3 பேர் வருகை

ராமேசுவரம்: இலங்கையில் கடந்த ஆண்டு ஏற்பட்ட பொருளாதார நெருக்கடியால் உணவு உள்ளிட்ட அத்தியாவசியப் பொருட்களுக்கு தட்டுப்பாடு ஏற்பட்டது.

இதனால், அந்நாட்டிலிருந்து தமிழர்கள் வெளியேறி அகதிகளாக தமிழகம் வருகின்றனர்.இந்நிலையில், யாழ்ப்பாணம் குருநகரைச் சேர்ந்த ஜிம்ஸ்ரிங் என்ற விஜயன் (46) தனது மனைவி யாழினி (45), மகள் திபேந்தினி (18) ஆகிய 3 பேர் இலங்கை தலைமன்னாரில் இருந்து பைபர் படகில் புறப்பட்டனர். நேற்று அதிகாலை தனுஷ்கோடி அருகே கோதண்டராமர் கோயில் கடற்கரை பகுதிக்கு வந்தனர்.

தகவலறிந்த மெரைன் போலீஸார் 3 பேரையும் மண்டபம் மெரைன் காவல் நிலையத்துக்கு அழைத்து சென்றனர். பின்னர் அவர்கள் மண்டபம் அகதிகள் முகாமில் தங்க வைக்கப்பட்டனர். கடந்த ஆண்டு மார்ச் 23-ல் இருந்து இதுவரையில் தமிழகத்துக்கு 258 பேர் அகதிகளாக வந்துள்ளனர்.