‘தி இந்து’ , ‘சரிகம’ இணைந்து வழங்கும் எம்.எஸ்.சுப்புலட்சுமி விருதுக்கான போட்டி: இளம் கர்னாடக இசைப் பாடகர்கள் பங்கேற்கலாம்

‘தி இந்து’ மற்றும் ‘சரிகம’ நிறுவனம் இணைந்து வழங்கும் எம்.எஸ்.சுப்புலட்சுமி விருதுக்கான போட்டியில் பங்கேற்க விரும்பும் இளம் கர்னாடக இசைப் பாடகர்கள், அக்டோபர் 20-ம் தேதிக்குள் தங்கள் குரல் பதிவை அனுப்பி வைக்கலாம்.

புகழ்பெற்ற கர்னாடக இசை மேதையான எம்.எஸ்.சுப்புலட்சுமியைப் போற்றும் வகையில், இளம் (18 முதல் 26 வயது வரை) கர்னாடக இசைப் பாடகர்களுக்கு ‘தி இந்து’ மற்றும் ‘சரிகம’ இணைந்து கடந்த 5 ஆண்டுகளாக ‘எம்.எஸ்.சுப்புலட்சுமி விருது’ வழங்கப்பட்டு வருகிறது. அந்த வகையில் 6-வது ஆண்டுக்கான ‘எம்.எஸ்.சுப்புலட்சுமி விருது - 2017’ இந்த ஆண்டு வழங்கப்பட உள்ளது. இந்த நிகழ்ச்சியை, நல்லி சின்னசாமி செட்டி, கோபுரம் மஞ்சள் தூள், குங்குமம் ஆகிய நிறுவனங்கள் வழங்குகின்றன.

15 நிமிடங்களுக்கு மிகாமல்

இதில் பங்கேற்க விரும்புவோர், தங்கள் குரல் பதிவை, வரும் அக்டோபர் 20-ம் தேதிக்குள், “எம்.எஸ்.சுப்புலட்சுமி விருது 2017, சரிகம, காசி ஆர்கேட், 3-வது மாடி, கதவு எண். 116, தியாகராயர் சாலை, தியாகராய நகர், சென்னை- 600 017” என்ற முகவரிக்கு அனுப்பி வைக்க வேண்டும். அந்த குரல் பதிவு 15 நிமிடங்களுக்கு மிகாமல் இருக்க வேண்டும். மேலும் விவரங்களுக்கு, 9884009020 என்ற எண்ணுக்கு தொடர்புகொள்ளலாம். இந்த விருதுக்கான போட்டி விதிமுறைகள் குறித்து www.thehindu.com/mss2017 என்ற இணையதளத்தைப் பார்த்து தெரிந்து கொள்ளலாம்.

விருது பெறும் கலைஞருக்கு, சரிகம தயாரிக்கும் இசை ஆல்பத்தில் பாட வாய்ப்பளிக்கப்படும். இந்த விருது, இளம் பாடல் கலைஞர்களுக்கு, தங்கள் கர்னாடக இசைப் பாடல் திறமையை வெளிப்படுத்த ஒரு நல்ல களமாக அமையும்.