பிளஸ் 2 தேர்வில் 1000-க்கு மேல் ஆயுள் தண்டனை கைதிகள் மதிப்பெண் எடுத்துள்ளனர்.
தமிழகத்தில் பிளஸ் 2 தேர்வு முடிவு இன்று (வெள்ளிக்கிழமை) காலை 10 மணிக்கு வெளியிடப்பட்டது.
பிளஸ் 2 பொதுத் தேர்வு கடந்த மார்ச் 2-ம் தேதி தொடங்கி 30-ம் தேதி முடிவடைந்தது. தமிழகம் மற்றும் புதுச்சேரியில் 6,737 பள்ளிகளைச் சேர்ந்த ஏறத்தாழ 9 லட்சம் மாணவர்கள் 2,427 மையங்களில் தேர்வெழுதினர். தனித் தேர்வர்களாக 31,843 பேரும், சிறைக் கைதிகள் 88 பேரும் தேர்வில் கலந்துகொண்டனர். பள்ளி மாணவ, மாணவிகளில் 5 லட்சத்து 69 ஆயிரத்து 304 பேர் தமிழ் வழியில் படித்து தேர்வு எழுதினர்.
இந்நிலையில் இன்று வெளியான பிளஸ் 2 தேர்வு முடிவில், புழல் மத்திய சிறைக் கைதி முத்துச்செல்வன் 1064 மதிப்பெண்ணும், பாளையங்கோட்டை மத்திய சிறைக் கைதி முத்துராமலிங்கம் 1057 மதிப்பெண்ணும், திருச்சி மத்திய சிறைக் கதை செந்தில்குமார் 1052 மதிப்பெண்ணும் பெற்றது தெரிய வந்துள்ளது.