மநீம 6-ம் ஆண்டு தொடக்க விழா: கட்சித் தலைமையகத்தில் கொண்டாட்டம்

சென்னை: மக்கள் நீதி மய்யம் கட்சியின் 6-ம் ஆண்டுதொடக்க விழாவையொட்டி, நகரங்கள் மட்டுமின்றி அனைத்து கிராமங்களிலும் கட்சிக் கொடியேற்ற வேண்டும் என கட்சித்தலைவர் கமல்ஹாசன் வேண்டுகோள் விடுத்திருந்தார்.

இதையடுத்து தமிழகம் முழுவதும் கட்சியின் 6-ம் ஆண்டு தொடக்க விழா விமரிசையாகக் கொண்டாடப்பட்டது. சென்னை,ஆழ்வார்பேட்டையில் உள்ள கட்சித் தலைமையகத்தில் நடைபெற்ற நிகழ்ச்சியில் கட்சியின் துணைத் தலைவர் ஏ.ஜி.மெளரியா தலைமையில் நிர்வாகக்குழு உறுப்பினர் ப்ரியா கட்சிக் கொடியேற்றினார். தொடர்ந்து அனைவருக்கும் இனிப்பு வழங்கப்பட்டது.

நிகழ்வில், நிர்வாகக் குழு உறுப்பினர்கள் அருணாச்சலம் உள்ளிட்ட முக்கிய நிர்வாகிகள் பங்கேற்றனர். மநீம தலைவர் கமல்ஹாசன் தனதுட்விட்டர் பதிவில், ``ஆரம்பித்த துடிப்புக்குறையாமல், 5 ஆண்டுகளைக் கடந்திருக்கிறது மக்கள் நீதி மய்யம். 6-ம் ஆண்டில்அடி எடுத்து வைக்கிறோம். உள்ளத்தில்எரியும் அறத்தழல் ஒளி குன்றாமல் பார்த்துக்கொள்வோமாக. அனைவருக்கும் வாழ்த்துகள்'' என தெரிவித்துள்ளார்.