Published : 10 May 2017 09:23 AM
Last Updated : 10 May 2017 09:23 AM

பொறியியல் படிப்பில் நேரடியாக 2-ம் ஆண்டு சேர்ப்பு: மே 17 முதல் விண்ணப்பிக்கலாம்

பொறியியல் பாடத்தில் டிப்ளமோ படித்தவர்கள் மற்றும் பிஎஸ்சி கணித பட்டதாரிகள் பொறியியல் பட்டப்படிப்பில் நேரடியாக 2-ம் ஆண்டு சேர (லேட்ரல் என்ட்ரி முறை) மே 17 முதல் ஆன்லைனில் விண்ணப்பிக்கலாம் என்று தமிழக அரசு அறிவித்துள்ளது.

இதுதொடர்பாக தமிழக அரசு நேற்று வெளியிட்ட செய்திக்குறிப்பில் கூறப்பட்டிருப்பதாவது:

பொறியியல் பாடத்தில் டிப்ளமோ (பாலிடெக்னிக்) பெற்ற வர்கள், பிஎஸ்சி பட்டதாரிகள் (கணிதம்) “லேட்ரல் என்ட்ரி” முறையில் பிஇ, பிடெக் படிப்பில் நேரடியாக 2-ம் ஆண்டு சேரலாம். இந்த முறையின்கீழ் அண்ணா பல்கலைக்கழக கல்லூரிகள், அரசு மற்றும் அரசு உதவி பெறும் பொறியியல் கல்லூரிகள் மற்றும் தனியார் சுயநிதி கல்லூரிகளில் அரசு ஒதுக்கீட்டுக்கு வழங்கப்படும் இடங்களில் 2017-18-ம் கல்வி ஆண்டில் சேர மே 17 முதல் ஜுன் 14-ம் தேதி வரை ஆன்லைனில் விண்ணப்பிக்கலாம். இதற்கான இணையதள முகவரிகள்:- www.accet.co.in, www.accet.edu.in, www.accetlea.com

ஜூன் 14-ம் தேதிக்குள்..

விண்ணப்பதாரர்கள் ஆன்லைனில் விண்ணப்பத்தை பூர்த்தி செய்து அதை பிரின்ட் அவுட் எடுத்து அத்துடன் தேவையான ஆவணங்கள் மற்றும் பதிவுக் கட்டணம் ரூ.300-க்கு டிமாண்ட் டிராப்ட் (“The Secretary, second year BE, BTech Degree Admissions - 2017-18, ACCET, Karaikudi” என்ற பெயரில்) ஆகியவற்றை ஜூன் மாதம் 14-ம் தேதிக்குள் காரைக்குடி அழகப்பா செட்டியார் பொறியியல் மற்றும் தொழில்நுட்பக் கல்லூரிக்கு அனுப்ப வேண்டும்.

கூடுதல் விவரங்களை மேற்குறிப்பிட்ட இணையதள முக வரிகளில் தெரிந்துகொள்ளலாம்.

இவ்வாறு அதில் கூறப் பட்டுள்ளது.

Sign up to receive our newsletter in your inbox every day!

 
x