முதல்வர் தனிப்பிரிவு முன்னாள் அதிகாரி இன்னசன்ட் திவ்யா உள்ளிட்ட 11 ஐஏஎஸ் அதிகாரிகள் இடமாற்றம் செய்யப்பட்டுள்ளனர். தமிழக தலைமைச் செயலர் கிரிஜா வைத்தியநாதன் இதை அறிவித்துள்ளார்.
அதிகாரிகளுக்கு வழங்கப்பட்டுள்ள புதிய பதவிகள் (பழைய பதவிகள் அடைப்புக்குறிக்குள் உள்ளன) வருமாறு:
1. ஆனந்தராவ் விஷ்ணு பாட்டில்- மின் ஆளுமை ஆணையர் (மத்திய நிதித்துறை இணை செயலர்)
2. இன்னசன்ட் திவ்யா - உணவுத்துறை துணை செயலர் (முதல்வர் தனிப்பிரிவு சிறப்பு அதிகாரி)
3. ஏ.ஆர்.ராகுல் நாத் - திட்ட அதிகாரி, மாவட்ட ஊரக மேம்பாட்டு முகமை, கன்னியாகுமரி (பள்ளிக்கல்வித்துறை துணை செயலர்)
4. ஜி.எஸ்.சமீரன்- கூடுதல் இயக்குநர் மீன்வளம், ராமநாதபுரம் (சார் ஆட்சியர், பரமக்குடி)
5. அமர் குஷவா- திட்ட அதிகாரி, மலைப்பகுதி மேம்பாட்டு திட்டம், உதகை (சார் ஆட்சியர், சிவகாசி)
6. பிரபு ஷங்கர் - சார் ஆட்சியர், திண்டிவனம் (சார் ஆட்சியர், செய்யாறு)
7. பி.ஆகாஷ் - சார் ஆட்சியர், சேரன்மாதேவி (சார் ஆட்சியர், திண்டுக்கல்)
8. ஆர்.லலிதா - துணை ஆணையர், சென்னை பெருநகர மாநகராட்சி (உணவுத்துறை துணை செயலர்)
9. ஆர்.கஜலட்சுமி- மேலாண் இயக்குநர், தமிழ்நாடு மேக்னசைட் நிறுவனம், சேலம் (முந்தைய பதவிக்கான உத்தரவு ரத்து)
10. வி.விஷ்ணு - செயல் இயக்குநர், சென்னை குடிநீர் வாரியம் (சார் ஆட்சியர் சேரன்மாதேவி)
11. பி.என்.ஸ்ரீதர்- மேலாண் இயக்குநர், தர்மபுரி மாவட்ட கூட்டுறவு சர்க்கரை ஆலை (சார் ஆட்சியர் திண்டிவனம்)
மேலும், உதகை, மலைப்பகுதி மேம்பாட்டுத் திட்ட அதிகாரியாக பணியாற்றிய ஐஎப்எஸ் அதிகாரி தீபக் வத்சவா, கன்னியாகுமரி மாவட்ட ஊரக வளர்ச்சி முகமை திட்ட அதிகாரியாக இருந்த எஸ்.சுரேஷ் ஆகியோருக்கான மாற்றுப்பணிகள், வனத்துறை மற்றும் ஊரக வளர்ச்சித்துறை ஆகியவற்றின் கீழ் வழங்கப்படும் என்று தலைமைச் செயலர் வெளியிட்டுள்ள செய்திக்குறிப்பில் கூறியுள்ளார்.