சென்னை: எம்ஜிஆரின் பிறந்தநாள்; 4 நாள் பொதுக்கூட்டம்: அதிமுக அறிவிப்பு

சென்னை: முன்னாள் முதல்வர் எம்ஜிஆரின் பிறந்த நாளை முன்னிட்டு, தமிழகத்தில் அனைத்து மாவட்டங்களில் உள்ள சட்டப்பேரவை தொகுதிகளில் ஜன.19-முதல் ஜன.22-ம் தேதி வரை 4 நாட்களுக்கு பொதுக்கூட்டங்கள் நடைபெறவுள்ளன.

இதுதொடர்பாக அதிமுக தலைமை அலுவலகம் நேற்று வெளியிட்ட அறிக்கையில் கூறியிருப்பதாவது: அதிமுக நிறுவனத் தலைவரும், முன்னாள் முதல்வருமான எம்ஜிஆரின் 106-வது பிறந்தநாளை முன்னிட்டு, பொதுக்கூட்டங்கள் தமிழகத்தில் அனைத்து மாவட்டங்களில் உள்ள சட்டப்பேரவை தொகுதிகள் மற்றும் கட்சி அமைப்பு செயல்படும் பிற மாநிலங்களில் ஜன.19-ம் தேதி முதல் ஜன.22-ம் தேதி வரை 4 நாட்கள் நடைபெறவுள்ளன.

அரியலூரில் வரும் 20-ம் தேதி நடைபெறும் கூட்டத்தில் அதிமுக இடைக்கால பொதுச்செயலாளர் பழனிசாமி பேசவுள்ளார். மாவட்டங்களில் கட்சியின் மாவட்டச் செயலர்கள் பங்கேற்று பேசுவர். இவ்வாறு அந்த அறிக்கையில் தெரிவிக்கப்பட்டுள்ளது.