கோவை: சேலம் கோட்ட ரயில்வே அலுவலகம் வெளியிட்ட செய்திக் குறிப்பில், “பொங்கல் பண்டிகையை முன்னிட்டு பயணிகள் கூட்ட நெரிசலை தவிர்க்கும் வகையில், எர்ணாகுளம் - சென்னை சென்ட்ரல் இடையிலான சிறப்பு ரயில் (எண்:06046) எர்ணா குளத்திலிருந்து
வரும் 12-ம் தேதி இரவு 11.20 மணிக்கு புறப்பட்டு, மறுநாள் காலை 11.30 மணிக்கு சென்னை சென்ட்ரல் ரயில்நிலையம் சென்றடையும். இதேபோல, சென்னை சென்ட்ரல்-எர்ணாகுளம் இடையிலான சிறப்பு ரயில் (எண்: 06045), சென்னை சென்ட்ரலில் இருந்து வரும் 13-ம் தேதி மதியம் 2.50 மணிக்கு புறப்பட்டு,
மறுநாள் அதிகாலை 3.10 மணிக்கு எர்ணாகுளம் சென்றடையும். செல்லும் வழியில் இந்த ரயில்கள், ஆலுவா, திருச்சூர், பாலக்காடு, கோவை, திருப்பூர், ஈரோடு, சேலம், ஜோலார்பேட்டை, காட்பாடி, அரக்கோணம் ஆகிய ரயில்நிலையங்களில் நின்று செல்லும்”என்று தெரிவிக்கப்பட்டுள்ளது.