செங்கையில் மதுபான கடை திறப்பை எதிர்த்து மக்கள் மறியல்

செங்கல்பட்டு: செங்கல்பட்டு புதிய பேருந்து நிலையத்தில் இருந்த ஒரு மதுபானக் கடை மேலமையூர் பகுதியில் திறக்கப்பட்டது. இதற்கு எதிர்ப்பு தெரிவித்து அப்பகுதி மக்கள் செங்கல்பட்டு- திருக்கழுகுன்றம் சாலையில் மறியலில் ஈடுபட்டனர்.

தகவல் அறிந்து வந்த போலீஸார் மக்களிடம் பேச்சுவார்த்தை நடத்தினர். இதில் உடன்பாடு எட்டாததால் ஒரு மணி நேரத்துக்கும் மேலாக போராட்டம் நீடித்தது. இதனால் போக்குவரத்துக்கு பாதிக்கப்பட்டது. இதனை தொடர்ந்து பொதுமக்கள் மாவட்ட ஆட்சியரிடம் மனு அளித்தனர்.

இதனிடையே செங்கல்பட்டு நகரில் உள்ள மீதமுள்ள 2 மதுபான கடையும் செங்கல்பட்டு- திருக்கழுகுன்றம் சாலையில் திறக்கப்பட இருப்பதாக தகவல்கள் வெளியாகியுள்ளது. அடுத்தடுத்து 3 மதுபானக் கடை திறக்கப்பட இருப்பதால் அப்பகுதி மக்கள் அதிர்ச்சியில் உள்ளனர். மக்கள் நடமாட்டம் இல்லாத பகுதிக்கு கடைகளை மாற்ற வேண்டுமென அவர்கள் கோரிக்கை விடுத்துள்ளனர்.