Published : 06 Oct 2022 12:18 PM
Last Updated : 06 Oct 2022 12:18 PM

தமிழகம், புதுச்சேரியில் இன்று மிக கனமழை பெய்ய வாய்ப்பு: இந்திய வானிலை ஆய்வு மையம்

கோப்புப் படம்

சென்னை: தமிழகம், புதுச்சேரியில் இன்று மிக கனமழை பெய்ய வாய்ப்பு உள்ளதாக இந்திய வானிலை ஆய்வு மையம் தெரிவித்துள்ளது.

இந்திய வானிலை ஆய்வு மையம் இன்று 8 மணிக்கு வெளியிட்டுள்ள வானிலை முன்னறிவிப்பில் தமிழகம், புதுச்சேரி மற்றும் காரைக்காலில் இன்று ஒரு சில இடங்களில் மிக கனமழை பெய்ய வாய்ப்பு உள்ளதாக தெரிவித்துள்ளது.

முன்னதாக நேற்று சென்னை வானிலை ஆய்வு மையம் வெளியிட்ட வானிலை முன்னறிவிப்பில் இன்று (6ம் தேதி) மற்றும் 7ம் தேதி தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என்றும், மயிலாடுதுறை, அரியலூர், பெரம்லூர், கடலூர், விழுப்புரம், கள்ளக்குறிச்சி, திருவண்ணாமலை, வேலூர், திருப்பத்தூர், ராணிப்பேட்டை, திருவள்ளூர், சென்னை, காஞ்சிபுரம், செங்கல்பட்டு ஆகிய மாவட்டங்களில் ஓரிரு இடங்களில் கனமழை பெய்ய வாய்ப்புள்ளதாகவும் தெரிவிக்கப்பட்டு இருந்தது.

t1

தவறவிடாதீர்!

Sign up to receive our newsletter in your inbox every day!

 
x